Nasa listahan ng red list sa Pilipinas hanggang October 15

INANUNSIYO ng Bureau of Immigration (BI) na ipapatupad nila ang resolusyon ng Inter-Agency Council for the Management of Emerging Infections Diseases (IATF) ang updated na listahan ng mga red, yellow at green na mga bansa.

Ang nasabing resolusyon na aprubado ng Malacanang ay ang mga bansa na kabilang sa kategorya na maari at hindi maaring pumasok sa bansa

Ang Bermuda ang tanging bansa na nasa Red List habang may 49 pang bansa ang nasa Green List. Ang nasabing klasipikasyon at mananatili hanggang October 15.

Ang mga bansa na nasa listahan ng Green List ay ang American Samoa, Burkina Faso, Cameroon, Cayman Islands, Chad, China (mainland), Comoros, Republic of the Congo, Djibouti, Falkland Islands (Malvinas), Hungary, Madagascar, Mali, Federated States of Micronesia, Montserrat, New Zealand, Niger, Northern Mariana Islands, Palau, Poland, Saba (Special Municipality of the Kingdom of Netherlands), Saint Pierre and Miquelon, Sierra Leone, Sint Eustatius, Taiwan, Algeria, Bhutan, Cook Islands, Eritrea, Kiribati, Marshall Islands, Nauru, Nicaragua, Niue, North Korea, Saint Helena, Samoa, Solomon    Islands, Sudan, Syria, Tajikistan, Tanzania, Tokelau, Tonga, Turkmenistan, Tuvalu, Uzbekistan, Vanuatu, at Yemen.

Ayon sa resolusyon, ang iba pang bansa na hindi napasama sa listahan ay kabilang na sa Yellow List.

Ayon kay BI Commissioner Jaime Morente na ang pagkakaiba ng tatlong klasipikasyon ay “Classified under the yellow list are those countries, jurisdictions, and territories that the IATF deem as ‘moderate risk’,” ayon kay Morente.

Ang mga galing sa Green at Yellow na mga bansa ay kabilang sa mga “allowable classes”, na maari silang pumasok subject sa quarantine at testing protocols, na ipinapatupad ng Bureau of Quarantine (BOQ).

Gayunman sinabi ni Morente na ang mga dayuhan na nagmula sa green at yellow list ay hindi awtomatikong kuwalipikado na pumasok sa bansa.

“Only Filipinos, balikbayans, and foreigners with valid and existing visas that would be coming from countries under the green or yellow list may be allowed to enter the Philippines,” ayon kay Morente.  GENE ADSUARA