Negatibong balita laban sa Sinovac, produkto raw ng pamumulitika ng oposisyon
- Published on January 18, 2021
- by @peoplesbalita
PARA sa Malakanyang, produkto lamang ng paninira ng oposisyon ang lumalabas na mga impormasyong pinakamahal ang Sinovac sa anim na brand ng COVID-19 vaccine.
Ito ang tinuran ni Presidential Spokesperson Harry Roque sa harap ng sinisimulan ng pag-order ng bansa ng bakuna pangontra sa COVID-19 na kung saan ay inaasahang unang darating ang China made na Sinovac.
Aniya, nasa gitna o mid-range lang ang presyo ng Sinovac na iba sa nais palabasin ng oposisyon na bukod sa mataas ang presyo ay mababa rin ang efficacy rate.
Giit ni Sec. Roque na walang katuturan ang nginangawa ng mga kritiko gayung napatunayan na rin sa ibang bansa gaya ng Turkey matapos ang clinical trial doon na nasa 91.25 ang efficacy rate ng Sinovac gayundin sa Indonesia.
Sinabi pa ni Sec. Roque na mismong si Indonesian President Joko Widodo ay nagpaturok ng bakuna ng Sinovac gayundin ang Health Minister ng Turkey.
Mayroon kasing mga kumakalat sa social media na naghahambing ng presyo ng mga bakuna at mayroon din pong balita mula sa Jakarta na nabili ng Indonesia iyong Sinovac worth 200,000 Rupiah or 683 pesos per dose.
“I can say, sa lahat po ng oorderin natin, hindi po pinakamahal ang Sinovac. Alam ninyo kasi ang Tsina, hindi po iyan kapitalistang bansa, komunista iyan. So their prices are not driven by market forces, pupuwede silang unilaterally mag-fix ng price, at I can assure you, nabigyan po tayo ng presyo na ukol lamang sa kanilang BFF. Hindi po pinakamahal ang Sinovac, paninira lang po ng oposisyon iyan. In fact, hindi rin po siyang pangalawang pinakamahal na bakuna na aangkatin natin. Kung hindi po ako nagkakamali, pangatlong pinakamahal lang po siya out of six brands – so, it is in the mid-range. So, wala pong katuturan iyang mga nginangawa ng mga kritiko na nakapamahal daw ng Sinovac,” lahad ni Sec. Roque. (Daris Jose)
-
DHSUD, target na magtayo ng 6M housing units sa termino ni PBBM
TARGET ng Department of Human Settlements and Urban Development (DHSUD) na magtayo ng anim na milyong housing units sa susunod na anim na taon sa pamamagitan ng Pambansang Pabahay para sa Pilipino program. Ito ayon kay DHSUD Assistant Secretary for Support System Avelino Tolentino ay may production average rate na isang milyong housing […]
-
Wishes ng fans na makitang magkasama, natupad na: ALDEN at BEA, may mga bago pang TVC bukod sa serye at pelikula
AFTER nang ilang months ng paghihintay ng mga fans and netizens, na makitang magkasama nang gumawa ng project sina Kapuso actress Bea Alonzo and Asia’s Multimedia Star Alden Richards, mukhang matutupad na ang wishes nila dahil magsisimula nang magtrabaho ang dalawa. Nauna rito may nag-post sa Twitter, si @Oppasensation “Korean drama ‘START-UP’ having […]
-
2 patay, 4 sugatan sa pamamaril sa Ateneo de Manila
KINUMPIRMA ni Quezon City Police District Director Police Brigadier General Remus Medina na dalawang katao ang namatay at isa naman ang sugatan sa nangyaring pamamaril sa Ateneo de Manila Gate 3. Ayon kay Medina, isa raw sa mga biktima ay agad isinugod sa ospital. Sa ngayon, hawak na raw ng PNP […]