Newsome lider na sa Bolts
- Published on March 2, 2021
- by @peoplesbalita
MAY panibagong responsibilidad na papasanin si Christopher Elijah ‘Chris’ Newsome dahi sal pagkaawala ni teammate Baser Amer para sa 46th Philippine Basketball Association (PBA) Philippine Cup 2021 na sisiklab sa Abril 9.
Ito ang pinabalikat ni Norman Black para sa versatile player na magiging point guard mula sa pagiging shooting guard/forward ng Meralco.
“I think Newsome can be a good point guard since we always get the ball in his hands, plus he’s our leader in assist last conference,” bulalas kahapon ng Bolts coach.
Ang 30-year-old, 6-foot-2 Fil-Am dribbler ang No. 1 scorer din ng team sa average na 14.45 points at 4.36 assists sa 45th PBA PH Cup sa Angeles, Pampanga bubble noong Oktubre-Disyembre.
Aminado si Black na mahirap na desisyon ang pakawalan si Baser Amer na kasama ni Bryan Faundo na pinagpalit kay Rey Mark ‘Mac’ Belo sa Blackwater Bossing kamakailan.
Si Amer na starting point guard ng team sapul noong 2017-20 nang magretiro si Jimmy Alapag may apat na taon na ang nakararaan.
“We’ve been together for five years and we’ve made a good run together so it’s really an emotional moment for me trading him,” hirit ni Black. “On the other hand, we want to upgrade our front court and unload extra players in the backcourt because we have a lot of point guards in the team.”
Ang pinangalanang Outstanding Rookie ng bubble tournament na si Aaron Black, si Anjo Caram at si Nards Pinto ang bubuong back court ng Meralco.
Pinanapos ng mentor na aasa siya pagbabago ni Newsome upang maging isang combo guard, katulad ng papel ni Daniel Gabriel ‘Gabe’ Norwood sa Rain or Shine. (REC)
-
TRACKING SYSTEM PARA SA MGA OFW, SINIMULAN NG DOLE
Pinagana na ng Department of Labor and Employment (DOLE) ang tracking system para sa lahat ng Overseas Filipino Worker na nakabalik at pabalik pa lamang ng bansa na pawang naapektuhan ng Coronavirus disease-2019 pandemic. Tinawag ang programa bilang OFW Assistance Information System (OASIS) ang sistema para makapagbigay-alalay para sa maayos na repatriation ng mga […]
-
Kampeonato sa 10-ball championship, nasungit ni Orcollo
TULOY ang mainit na ratsada ni 2011 World 8-Ball champion Dennis Orcollo matapos angkinin ang ikalimang korona sa 2020 season. Naging matibay na sandalan ng 2019 Southeast Asian Games men’s pool singles gold medallist ang karanasan nito para ilampaso si Aloysius Yapp ng Singapore sa finals ng 2020 Scotty Townsend Memorial 10-Ball Championships na […]
-
Gobyerno ng Israel, pinayagan na ang mga pinoy na tumawid sa Egypt; gobyerno ng Pinas, nangako na iuuwi ng ligtas ang mga Filipino
TINIYAK ng Israeli government sa Pilipinas na pinapayagan na nito ang mga Filipino na makatawid at makadaan sa Rafah Crossing patungong Egypt. Siniguro naman ni Pangulong Ferdinand R. Marcos Jr. na handa ang Pilipinas na ialis ang mga filipino mula sa war zone. Sinabi ni Pangulong Marcos na nagawang makipag-ugnayan ni Ambassador to the Philippines […]