NLEX sablay sa bentahan vs barat na buyer
- Published on February 17, 2020
- by @peoplesbalita
BUKING na sa sektor ng negosyo na pinagbibili na ng may-ari ng North Luzon Expressway o NLEX Road Warriors ang prangkisa nito sa Philippine Basketball Association (PBA).
Nabatid sa isang impormante na may nakikipagnegosasyong isang malaking kompanya sa pangasiwaan ng Road Warriors para sa bentahan ng isa sa tatlong PBA team ni Manuel V. Pangilinan o MVP Group pero hindi pa nagkaayusan ang magkabilang panig dahil binabarat ito ng buyer.
“Actually may mga buyer na pero binabarat nga lang ang NLEX. May isang halos done deal na, pero inaalam pa ‘yung ibang mga detalye hinggil sa iba’t ibang kontrata ng mga player,” patuloy ng source.
Una kumalat sa social media ang posibilidad na magkaroon ng isang independent team sa professional cage league may ilang araw pa lang ang nakalilipas
“Inilalako na nga ang team pero wala pang takers. Masyadong malalaki kasi ang sahod ng mga player kaya binabarat ng mga gustong bumili,” panapos ng espiya.
Inihayag naman nina PBA Commissioner Wilfrido Marcial at Road Warriors coach Joseller Guiao na wala pang pasabi ang mga boss ng team para sa nasabing pagbabaneta.
“Wala pang formal or informal notice na ipinapadala sa akin,” pahayag ni Marcial. “Usually, dapat mayroong ipinapadala sa atin na information, formal or informal if there are such move. But as of now, wala pa naman sa atin na ipinapaalam ang mga official ng team.”
“Wala pa akong alam. Sino nagsabi?,” tugon ni Guiao. “Ahh kung ganun, wala sa level ko ang usapan na yan. Mga bossing dapat tanungin ninyo.” (REC)
-
Nadal natapos na ang kampanya sa Olympics matapos talunin ni Djokovic
NATAPOS na ang kampanya ni Rafael Nadal sa Paris Olympics matapos talunin siya ni Novak Djokovic sa second round. Sa simula pa lamang ng laro ay ipinamalas ni Djokovic na dominado nito ang laban at nakuh aang 6-1, 6-4 na panalo. Ito na ang itinuturing na huling […]
-
Jabeur makakaharap si Rybakina sa finals ng womens singles ng Wimbledon
PASOK na sa finals ng Wimbledon si Ons Jabeur. Ito ay matapos na talunin si Tatjana Maria sa score na 6-2, 3-6, 6-1. Dahil dito ay nagtala ang Tunisian player ng kasaysayan sa Wimbledon na siiyang unang Arab o North African woman na naglaro sa semifinals ng grand slam. […]
-
Ads May 30, 2022