• July 24, 2024
  • Ang Diyaryong Pinagkakatiwalaan

No. 40 top most wanted person ng PRO 3, nabitag ng NPD sa Valenzuela

NALAMBAT ng mga operatiba ng District Special Operations Unit ng Northern Police District (DSOU-NPD) ang isang lalaki na listed bilang No. 40 top most wanted ng PRO 3 sa kanyang tinitirhan sa Valenzuela City, kamakalawa ng hapon.

 

 

Kinilala ni DSOU chief PLt. Col. Rommel Labalan ang naarestong akusado bilang si Bonifacio Clemente, 51, residente ng Brgy. Bignay, Valenzuela City.

 

 

Sa report ni Labalan kay NPD Acting Director P/Col. Ponce Rogelio Penones, nakatanggap ang mga operatiba ng DSOU ng impormasyon mula sa NDIT-RIU, NCR na naispatan ang presensiya ng akusado sa North Ville 1, Brgy. Bignay kaya nagsagawa sila ng validation sa naturang lugar.

 

 

Nang positibo ang ulat, kaagad nagsagawa ang mga operatiba ng DSOU sa pangunguna ni PCPT Melito Pabon, kasama ang mga operatiba ng CIDG-DSOU, NDIT-RIU, NCR, 303rd MC, RMFB3 Intelligence Section ng joint manhunt operation, alinsunod sa kampanya ng PNP kontra wanted persons na nagresulta sa pagkakaaresto sa akusado sa kanyang bahay dakong alas-4:30 ng hapon.

 

 

Ani Pabon, si Clemente ay dinakip sa bisa ng warrant of arrest na inisyu ni Judge Nelson A Tribiana ng Regional Trial Court (RTC) Branch 37, Baloc, Sto. Domingo, Nueva Ecija, para s kasong Robbery. (Richard Mesa)

Other News
  • TANGGAPAN NG IMMIGRATION, SARADO PA

    MANANATILING sarado hanggang ngayon (Huwebes) ang tanggapan ng Bureau of Immigration (BI) sa Intramuros, Maynila para maipagpatuoy ng mga empleyado ng ahensiya na sasailaim sa rapid anti body test para sa COVID 19 virus.     Ayon kay BI Commissioner Jaime Morente na halos kalahati lamang sa 700 na empleyado ang nakapag-test nitong Lunes at […]

  • PBA fans puwede na sa Araneta Coliseum

    Muling bubuksan ng Philippine Basketball Association (PBA) ang kanilang pintuan para sa mga fans sa susunod na linggo.     Ito ay matapos bigyan ni Quezon City Mayor Joy Belmonte ng ‘go signal’ ang PBA para muling maglaro sa Smart Araneta Coliseum sa unang pagkakataon matapos ang 45th season opening noong Marso 8 ng 2020. […]

  • Mga ahensiya ng pamahalaan, handang tulungan ang mga magsasaka sa ilalim ng ‘Masagana’ program

    MAY apat na ahensiya ng pamahalaan ang sanib-puwersa ngayon para tulungan ang mga magsasaka sa ilalim ng Masagana Rice Industry Development Program ni Pangulong Ferdinand R. Marcos Jr.     Sa Laging Handa briefing, sinabi ni National Irrigation Administration (NIA) acting administrator Eduardo Guillen na ang programa ay isang c”onvergence effort” ng  Department of Public […]