• February 17, 2025
  • Ang Diyaryong Pinagkakatiwalaan

Noontime Princess ng TV5, aarangkada na: MILES, ‘di apektado sa ‘joke’ ni JOEY dahil bawal ang pikon sa Dabarkads

HINDI pa rin makapaniwala ang Noontime Princess ng TV5 na si Miles Ocampo kaya naluha-luha siya nang ipakilala bilang bida ng teleseryeng ‘Padyak Princess’, na mapapanood na simula ngayong Lunes, June 10.

 

 

 

Say pa ng award-winning actress, “Naiyak po talaga ako nung i-present sa akin. Sabi ko po kina direk Mike (Tuviera of APT Entertainment, isa sa producers), ‘sure po ba kayo talaga?’”

 

 

 

Labis-labis nga ang pasasalamat niya sa TV5, Cignal, BuKo at APT Entertainment na nagbigay sa kanya ng pagkakataon na maging bida.

 

 

 

Kaya pangako niya na gagalingan niya talaga ang pagganap bilang Princess na tiyak kaming mamahalin ng mga viewers.

 

 

 

Samantala, hindi naman naiwasang tanungin siya tungkol sa ‘joke’ na pinakawalan ni Joey de Leon sa isang segment ng ‘Eat Bulaga’ na kung saan nabanggit ang kanyang pagtaba, na inalmahan ng netizens kaya ang ending nakatanggap ng pamba-bash ang Henyo Master.

 

 

 

Pero inamin naman ni Miles na hindi siya naapektuhan sa naging banat ni Joey tungkol sa kanyang timbang.

 

 

 

Paliwanag ni Miles, “sa Dabarkads, bawal ang pikon. Sanay lang sa mga bawat banat at hirit ng isa’t isa, so walang problema po.

 

 

 

“Actually si Boss Joey, naapektuhan din kasi nga ất sabi niye, ‘bakit galit ‘yung mga tao sa akin?’ eh segment naman po namin sa Eat Bulaga ‘yung ‘pataas, pababa.’”

 

 

 

Kinabukasan matapos na mag-viral ang video ay nag-sorry naman si Joey sa kanya.

 

 

 

“Sabi ko kay Boss Joey, ‘okay na po ‘yun, sadyang ang mga tao talaga ngayon ay makabilis makahanap ng mali, kaya napupuna agad.’

 

 

 

“Pero sabi ko, wala pong problema. And the next day naman, nag-sorry naman si Boss Joey sa akin, so, walang problema po,” paliwanag pa ni Miles.

 

 

 

Anyway, gagampanan ni Miles ang role ni Princess, isang charming at determinadong babae na nangangarap iligtas ang reputasyon ng kanyang pamilya at ibalik ang golden years ng kanilang Barangay Singko.

 

 

 

Maraming pagsubok ang haharapin ni Princess kung saan mapipilitan siyang tumayo bilang breadwinner at itawid ang pangangailangan ng kanyang pamilya. Hindi basta-basta matitinag si Princess dahil handa siyang harapin ang bawat hamon ng buhay na may tapang, determinasyon, at may halong saya.

 

 

 

Kilala bilang former child star na ngayon ay award-winning actress na dahil sa kanyang natatanging talento, handa na si Miles sa kanyang role sa bagong serye ng TV5.

 

 

 

Ang ‘Padyak Princess’ ay puno ng heartwarming moments, inspiring triumphs, at nakakatuwang mga karakter. Kasama rin sa cast sina Ara Mina, Ces Quesada, Christian Vasquez, Cris Villanueva, Yayo Aguila, Gillian Vicencio, Jameson Blake, Jem Manicad, Joao Constancia, Karissa Toliongco, Kira Balinger, David Remo, at Miel Espinoza.

 

 

 

Mapapanood ang ‘Padyak Princess’ sa TV5, 11:15 a.m. tuwing Lunes hanggang Biyernes, simula sa Hunyo 10. Mayroon din itong same day catch-up episodes sa BuKo channel ng 7:30 p.m.

 

 

 

 

(ROHN ROMULO)

Other News
  • Detalye ng mga nakuhang investment deal sa weekend Singapore trip, ilalabas

    ISASAPUBLIKO ni Pangulong Ferdinand “Bongbong” Marcos Jr. ang detalye ng kinalabasan ng kaniyang pagtungo sa Singapore nitong nagdaang weekend.     Sinabi nitong naging produktibo ang kaniyang byahe sa Singapore at may kinalaman dito ang ginawa niyang panghihikayat sa ilang investors para maglagak ng puhunan sa bansa.     Kaugnay nitoy idinagdag ng Pangulo na […]

  • New Set of Character Posters of ‘Space Jam: A New Legacy’, Present the Villainous Goon Squad

    SPACE Jam: A New Legacy has revealed a new set of posters focused on the ‘Villainous Goon Squad’ who’ll torment LeBron James and the Looney Tunes in the highly-anticipated sequel to 1996’s cult classic.     After a previous set of posters presented the film’s heroes, the new images give us a detailed look at Space Jam: A New Legacy‘s […]

  • Labis ang kasiyahan: Ama ni Mary Jane, nagpasalamat kay PBBM

    NAGPAHAYAG ng kanyang labis na kasiyahan at pasasalamat ang ama ng convicted overseas Filipino worker (OFW) na si Mary Jane Veloso kay Pangulong Ferdinand R. Marcos Jr., araw ng Miyerkules, sa pagsisikap nitong maiuwi sa Pilipinas ang kanyang anak.     “Nagpapasalamat po ako. Talagang maraming marami salamat po sa ating mahal na Pangulo at […]