• February 10, 2025
  • Ang Diyaryong Pinagkakatiwalaan

OA SA PANIC-BUYING

KALAT nasocial media ang mga insidente ng panic- buying kung saan nagkakaubusan na raw ng suplay ng alcohol, hand sanitizer, tissue, face mask at iba pa sa gitna ng outbreak ng Coronavirus Disease 2019 (COVID-19).

 

Kaugnay nito, agad na umapela ang gobyerno sa publiko na iwasan ang pagse-share ng mga hindi beripikadong impormasyon dahil magdudulot lamang ito ng panic.

 

Tiniyak din ng Department of Trade and Industry (DTI) sa taumbayan na hindi kailangang mag-hoard ng alcohol dahil hindi naman nagkaroon ng production stoppage sa mga ito.

 

Anila, mauubos ang pera ng mamimili, pero hindi ang suplay ng alcohol. Kaya mamili lang ng kailangan para sa isang linggo o pinakamatagal na ang isang buwan.

 

Pinayuhan na rin ang mga supermarket na limitahan ang pag-display ng mga produkto para hindi mag-hoard ang mga mamimili, pero huwag sanang hayaan na may mabakanteng estante dahil dito nagsisimula ang maling akala, tipong ‘pag nakita ng mga mamimili na wala nang display, iisipin nilang wala nang stock na nauuwi na sa panic.

 

Isa pang epekto ng panic-buying ay nagkakaroon ng pagkakataon ang mga abusado at sugapa sa pera na pagkakitaan ang sitwasyon. Magho-hoard saka ibebenta sa mas mataas na presyo sabay tatakutin ang buyer na kesyo lalo pang magmamahal hanggang sa wala nang mabili, ang tindi n’yo po.

 

Kaya ngayong nagbigay naman ng garantiya ang DTI na sapat ang suplay sa merkado ng essential items, huwag nang mag-panic. Huwag nang magpaloko sa mga nag-aalok ng alcohol sa hindi makatarungang halaga.

 

Try kaya nilang ipaligo hanggang sa luminis ang kanilang konsensiya? Tablan sana. Panawagan naman natin sa kinauukulan, turuan ng leksiyon ang mga mapagsamantala. Tuwing may problema sa bansa ay nakikisabay din sila na para bang nakakakita ng oportunidad para makapanlamang ng kapwa. Mahiya naman kayo!

Other News
  • PBBM may malakas na mensahe sa China

    NAGPADALA ng matinding mensahe si Pangulong Ferdinand R. Marcos Jr. sa gobyerno ng China nang utusan nito ang Philippine Coast Guard (PCG) na putulin ang mga lumulutang na 300-meter buoy na inilagay ng China Coast Guard (CCG) sa Scarborough Shoal.     Ito ang inihayag ni Professor Renato De Castro ng La Salle International Studies. […]

  • Suplay ng bilihin sa NCR-Plus sapat pa – DTI

    Walang dapat na ikabahala ang mga naninirahan sa National Capital Region (NCR) Plus dahil mayroong sapat na suplay sa mga pangunahing bilihin.     Ito ay matapos na ipatupad ang isang linggong enhanced community quarantine (ECQ) sa Metro Manila at karatig na probinsiya.     Walang dapat na ikabahala ang mga naninirahan sa National Capital […]

  • Truck ban sa MM muling binalik; NLEX tumaas ang toll fees

    Ang truck ban sa Metro Manila ay muling binalik simula noong nakarang May 17 ng Metropolitan Manila Development Authority (MMDA) matapos sumailalim ang rehiyon sa mas di mahigpit na community quarantine hanggang sa katapusan ng buwan.     Sa isang pahayag ng MMDA na nakalagay sa kanilang Facebook page, sinabi ng MMDA na ang mga […]