• March 29, 2024
  • Ang Diyaryong Pinagkakatiwalaan

OCCUPANCY RATE SA MGA OSPITAL AT QUARANTINE FACILITIES SA MAYNILA, BUMABABA

BUMABA ang “occupancy rate” sa quarantine facilities at mga district hospital na pinapatakbo ng lokal na pamahalaang lungsod ng Maynila matapos na buksan sa publiko ang Manila COVID-19 Field Hospital sa Rizal Park .

 

 

Batay sa pinakahuling datos ng Manila Health Department (MHD), nasa 24% na lamang ang occupancy rate sa anim na district hospital sa lungsod o nasa 116 covid beds ang okupado sa kabuuang 344 inilaan na covid beds para sa mga pasyente na may severe at critical condition dahil sa sakit na COVID-19.

 

 

Habang nasa 4% na lamang ang occupancy rate o nasa 32 beds ang okupado sa kabuuang bilang na 870 bed capacity para sa mga asymptomatic covid positive cases sa mga quarantine facilities sa lungsod.

 

 

Sinabi ni Manila Mayor Isko Moreno Domagoso na isa sa mga layunin sa pagpapatayo ng nasabing field hospital ay upang maging “covid free” ang mga ospital sa lungsod upang ang mga pasyente na may ibang sakit ay muling makabalik at makapagpatingin o makapagpagamot sa mga pagamutan.

 

 

Sa huling datos, nasa 14% occupancy rate ang Manila COVID-19 field hospital kung saan okupado ang 49 na kama na inilaan para sa mga pasyenteng may mild at moderate symptoms ng COVID-19 kung saan may kabuuang bilang ito na 344 covid beds.

 

 

Samantala, nasa kabuuang 1,124 aktibong kaso ng COVID-19 ang naitala ngayon sa lungsod kung saan nangunguna ang area ng Sampaloc at Tondo 1 sa pinakamadaming naitalang aktibong kaso nito na umaabot sa parehong bilang na 214. (GENE ADSUARA)

Other News
  • CASSY, ultimate dream na makatrabaho si ALDEN dahil ‘di naman malayo ang age gap nila

    GINULAT na naman ang mga fans ni Kapuso Primetime Queen Marian Rivera nang mag-post siya sa kanyang Instagram na suot niya ang Flora Vida white waffle robe.     Naka-cover ang kanyang ulo, at nakasilip lamang ang kanyang beautiful face, kaya ang comment ng mga netizens para siyang si Mama Mary.           Caption […]

  • SUNDALO INALOK NG SHABU, VENDOR KULONG

    SWAK sa kalaboso ang isang fruit vendor dahil sa halip na prutas ay shabu ang inalok niya sa isang sundalo na noon ay nakasuot damit pang sibilyan sa Valenzuela City, kamakalawa ng hapon.     Nahaharap sa kasong paglabag sa Sec. 11 under Article II of RA 9165 ang naarestong suspek na kinilalang si Arsenio […]

  • OPERASYON NG NBI SA BACOLOD, SINUSPINDE

    SINUSPINDE  ang operasyon ng isang sangay ng National Bureau of Investigation(NBI) sa Bacolod matapos na magpositibo sa Covid-19 ang lima nitong personnel. Ayon  sa NBI,  kapwa personnel ng administrative at clearance  section  ang mga nagpositibo sa sakit. Hanggang Enero 22 umano suspindido  ang operasyon at muling magbubukas sa Enero 25, araw ng Lunes. Sinabi naman […]