• March 29, 2024
  • Ang Diyaryong Pinagkakatiwalaan

Onyok tiwalang makaka-gold ang boxing sa Paris Games

Tiwala si Atlanta Olympics silver medalist Mansueto “Onyok” Velasco na mananalo ng gintong medalya ang boxing team sa 2024 Paris Olympics.

 

 

Nasaksihan ni Velasco ang matikas na ipinamalas ng boxing team sa katatapos na Tokyo Olympics kung saan humakot ang tropa ng dalawang pilak mula kina Nesthy Petecio at Carlo Paalam, at isang tanso galing kay Eumir Felix Marcial.

 

 

Dahil sa tikas ng Pinoy boxers sa Tokyo Olympics, alam ni Velasco na abot-kamay na ang ginto sa boxing na inaasahang maisasakatuparan sa Paris Games.

 

 

“Ito na ata ang hudyat na sa susunod na Olympics, maka-gold na tayo,” ani Velasco sa programang Power and Play.

 

 

Malaki ang panghihinayang ni Velasco kay Petecio.

 

 

Natalo si Petecio sa finals ng women’s featherweight division laban kay Sena Irie ng Japan.

 

 

“Sa akin si Nesthy. Kasi malaki talaga ‘yung chance niya sana doon mag-gold kung hindi lang Japan ‘yung nakalaban niya. Siguro baka nanalo siya doon,” ani Velasco.

 

 

Tinukoy din ni Velasco ang laban ni Marcial na natalo naman kay Oleksandr Khyzniak ng Ukrane sa semis.

 

 

“Naghinayang din ako kay Marcial kasi kung nalusutan niya ‘yun (Khyzniak). Although marami naman siyang malakas na kalaban, sa tingin ko baka nakaya niya. Kasi parang napagod siya roon sa last round eh,” ani Velasco.

 

 

Umaasa si Velasco na magtutuluy-tuloy ang magandang performance ng boxing team sa mga international tournaments.

Other News
  • 571 COVID-19 case kada araw sa SoKor, kinumpirma

    KADA araw ay nakakapagtala ng aabot sa 571 kaso ng coronavirus disease (COVID-19), ayon sa South Korean Centers for Disease Control and Prevention.   Ang 571 cases ay kinumpirma ng SoKor nitong Biyernes (February 28) ng hapon, kabilang na ang 256 kaso na inanunsiyo ng umaga sa parehong petsa.   Dahil dito ay nakapagtala ng […]

  • Lalamove driver 1 pa, kulong sa P272K shabu at baril-barilan

    KALABOSO ang dalawang hinihinalang sangkot sa ilegal na droga kabilang ang Lalamove delivery matapos makuhanan ng P272K halaga ng shabu sa buy-bust operation ng pulisya sa Valenzuela City, kahapon ng madaling araw.   Kinilala ni Valenzuela Police Chief Col. Fernando Ortega ang naarestong mga suspek na si Danilo Gonzalez, 48 at Rodney Modejar, 37, Lalamove […]

  • Mas kaunting bilang ng teenage pregnancies dahil sa bigilante, pandemya- POPCOM chief

    TINUKOY ni Commission on Population and Development (POPCOM) officer-in-charge Executive Director Lolito Tacardon  na ang masigasig na pagbabantay ng publiko at ang  coronavirus disease 2019 (Covid-19) pandemic  ang mga dahilan kung bakit bumagsak  ang  bilang ng teenage pregnancies  na naitala sa bansa.     Tugon ito ng POPCOM sa ipinalabas ng  University of the Philippines […]