Pagbubukas ng klase sa Setyembre, tuluy na tuloy na- Sec. Roque
- Published on July 21, 2021
- by @peoplesbalita
TULUY-tuloy na ang pagbubukas ng klase para sa SY 2021-2022 sa darating na Setyembre 13, 2021.
Sinabi ni Presidential Spokesperson Harry Roque na ito’y matapos aprubahan ni Pangulong Rodrigo Roa Duterte ang rekomendasyon ng Department of Education (DepEd) kaugnay sa nasabing school opening.
Ani Sec. Roque, maaari nang magsimula ng mas maaga ang mga klase sa private schools at non-DEPED public schools “provided” na walang face-to-face classes at ang mga nasabing paaralan ay istriktong ipatutupad ang distance learning modalities.
Sa kabilang dako, sinabi naman ng DepEd na magsisimula ang klase sa darating na Setyembre 13, 2021 para sa School Year 2021-2022. Ito ay ipinahayag ng DepE matapos na aprubahan ng Pangulong Rodrigo Duterte ang petsa mula sa mga pinagpiliang inirekomenda ni Education Secretary Leonor Briones.
“We thank the President for his full support to the delivery of quality basic education for the incoming school year,,” pahayag ng DepEd.
Ang kalendaryo ng paaralan para sa darating na taon ng pag-aaral ay ilalabas umano sa lalong madaling panahon. Tulad ng nakaraang taon, ang blended learning ay ipapatupad muli para sa SY 2021-2022 dahil sa pandemiya na dulot ng C0VID-19.
Sinabi naman ni DepEd Undersecretary Diosdado San Antonio na habang hinihintay nila ang magkahiwalay na pag-apruba para sa face-to-face classes ay patuloy naman naghahandang ang naturang departamento.
Ipinahayag din niya na magiging mas mataas ang antas ng edukasyon sa darating na pasukan.
“Mas mataas ang antas ng kahandaan natin ngayon,” pahayag niya. (Daris Jose)
-
50 milyong syringe vs COVID-19, nasayang
Ibinisto ni Foreign Affairs Secretary Teodoro Locsin Jr., na pinalampas umano ng pamahalaan ang pagkakataong makakuha ng 50 milyong heringgilya. Sa twitter account ni Locsin, sinabi nito na tinalakay sa Washington DC ang pangangailangan para sa mga heringgilya subalit tumanggi ang mga ahensiya ng Pilipinas na pag-usapan ang mga detalye tungkol dito. […]
-
Top 3 most wanted person ng Malabon, nalambat ng Navotas police
LAGLAG sa selda ang isang lalaki na nakatala bilang Top 3 most wanted person sa Lungsod ng Malabon makaraang malambat ng pulisya sa manhunt operation sa Navotas City. Ayon kay Navotas police chief P/Col. Mario Cortes, nakatanggap sila ng impormasyon na naispatan sa Brgy. NBBS Proper ang presensya ng 48-anyos na akusado na si alyas ‘Asyong’ […]
-
Kahit inilibing na: KOBE, GIANNA PUBLIC MEMORIAL SA STAPLES MAY BAYAD
INIHATID na umano sa kanilang huling hantungan ang mag-amang Kobe at Gianna Bryant dalawang linggo matapos masawi sa isang helicopter crash sa California. Batay sa ulat sa US media, naging pribado lamang ang seremonya ng paglilibing na isinagawa sa Corona Del Mar, California nitong Pebrero 7. “Vanessa and the family wanted a private […]