Pagbubukas ng klase sinalubong ng kilos protesta
- Published on October 8, 2020
- by @peoplesbalita
NAGSAGAWA ng kilos protesta ang rotesgrupo ng Alliance of Concerned Teachers (ACT), kasabay ng pagbubukas ng klase at pagdiriwang ng pagdiriwang ng World Teachers’ Day, kahapon ng umaga sa Mendiola sa Maynila.
Naging highlight ng pagkilos ang sabay sabay na pagbusina sa mga dalang sasakyan ng mga guro pasado alas 10 ng umaga para tawagin ang pansin ni Pangulong Rodrigo Duterte sa sektor ng Edukasyon.
Tiniyak naman ng mga guro na naoobserbahan nila ang physical distancing at naghiwa- hiwalay ang mga ito habang nagsasagawa ng rally.
Kasama sa mga hinaing ng mga guro ay ang kapabayaan umano ng pamahalaan sa edukasyon at kahilingan na bigyan ng pondo ang ligtas na pagbabalik-eskwela ng mga kabataan sa bansa, sa gitna ng nararanasang coronavirus dis- ease 2019 (COVID-19) pandemic.
May bitbit pang mga plakard ang mga guro na may mga nakasulat na mga katagang, “Don’t leave poor, rural children behind!”, “Duterte pabaya sa edukasyon!” at “Ligtas na balik eskwela.”
Sinabi ni ACT Philippines secretary general Raymond Basilio na ang mga pangunahing pangangailangan para sa blended learning, gaya ng printed modules, ay hindi pa natutugunan kahit nagsimula na ang klase sa bansa kahapon.
Sinabi pa ng ACT na nasayang lamang ang panahon ng paghihintay at pagkansela ng class opening noong Agosto 24 dahil hanggang ngayon ay hindi pa rin nakahanda ang mga pangunahing pangangailangan nila para sa pagbubukas ng klase. (Gene Adsuara)
-
Magkikita-kita muli – Jimmy Alapag
HINDI pamamaalam at sa halip ay pagkikitang muli sa lalong madaling panahon ang minensahe ni dating ASEAN Basketball League (ABL)-San Miguel Alab Pilipinas coach at Philippine Basketball Association (PBA)-San Miguel Beermen assistant coach Jimmy Alapag sa paglisan niya at kanyang pamilya para bumalik sa Estados Unidos ng Amerika. “Hard to put into words the […]
-
Mataas na bilang ng COVID-19 cases sa mga DepEd personnel, ikinaalarma
IKINAALARMA ni Assistant Minority Leader at ACT Teachers Rep. France Castro ang mataas na bilang ng COVID cases sa mga personnel ng Department of Education. Kasabay nito, hinikayat ng mambabatas ang Department of Education na agad kumilos para masiguro na maibibigay ang healthcare services at tulong sa mga DepEd personnel na nagkasakit ng covid. […]
-
Bayanihan 3 ni Speaker Velasco, malabong iendorso ni PDu30
NGAYON pa lamang ay nagpahiwatig na ang Malakanyang na malabong iendorso ni Pangulong Rodrigo Roa Duerte ang pagpapasa ng P420-billion stimulus package na ipinanukala ni House Speaker Lord Allan Velasco na tinawag bilang Bayanihan 3. Sinabi ni Presidential Spokesperson Harry Roque, sa kasalukuyan, ang P4.5-trillion 2021 National Budget at ang P165-billion Bayanihan to […]