Paggamit sa GSIS, SSS funds sa Maharlika pinalagan ng Senado
- Published on June 8, 2023
- by @peoplesbalita
PUMALAG ang parehong lider ng mayorya at minorya sa Senado sa naging pahayag ni Finance Secretary Benjamin Diokno na maaari pa ring gamitin ang pension funds ng SSS at GSIS para pondohan ang mga proyekto ng Maharlika Investment Corporation (MIC).
Ayon kay Senate Majority Leader Joel Villanueva, walang puwang ang anumang interpretasyon dahil malinaw namang nakasaad sa probisyon ang mahigpit na pagbabawal sa paggamit ng pondo ng ahensya ng gobyerno at mga GOCCs na nagkakaloob ng social security at public health insurance para sa Maharlika Investment Fund (MIF).
Nakasaad sa probisyon ng MIF Bill na ang mga pension funds sa ilalim ng SSS, GSIS, PhilHealth, PAGIBIG, OWWA at PVAO ay hindi kailanman maaaring gamitin na pampondo sa mga proyekto ng korporasyon, mandatory o voluntary man ito.
Tinukoy ni Villanueva na tatlong beses na binanggit sa inaprubahang MIF Bill ang prohibition sa paggamit ng pondo ng mga nasabing ahensya at tanggapan.
Tanong naman ni Senate Minority Leader Koko Pimentel, bakit ba masyadong interesado ang gobyerno sa paggamit ng pondo ng GSIS at SSS.
Giit ni Pimentel, “hands off” dapat ang pamahalaan sa paggamit sa pondo ng GSIS at SSS dahil ito ay private funds ng kanilang mga myembro.
Sinita pa ng senador ang tila ‘play of words’ ng gobyerno na umiiwas na gamitin ang mga salitang INITIAL CAPITAL, ADDITIONAL CAPITAL, AT BONDS at sa halip “SUBSCRIBE TO PROJECTS” ang gagamitin na sa madaling salita ay popondohan ang mga proyekto ng Maharlika Investment Fund Corporation. (Daris Jose)
-
Health experts inirekomenda ang 2nd booster shots para sa mga medical workers at mga matatanda
INIREKOMENDA ngayon ng Health Technology Assessment Council (HTAC) ang pagbabakuna sa second booster shot para sa mga health care workers na nasa A1 category at at senior citizens na nasa A2 category. Ayon kay National Vaccination Operations Center (NVOC) chief at Health Undersecretary Myrna Cabotaje, hinihintay na lamang daw sa ngayon ng HTAC […]
-
Comelec, aprubado na ang pamimigay ng LTFRB ng fuel subsidies sa mga drivers at operators
PINAHIHINTULUTAN na ng Commission on Election ang hiling ng Land Transportation Franchising and Regulatory Board’s (LTFRB) na ipagpatuloy ang pagpapalabas ng fuel subsidies para sa mga apektadong drivers at operators bunsod ng mataas na presyo ng gasolina at mga bilihin. Nauna nang nagsumite ng aplikasyon ang LTFRB para sa exemption mula sa Comelec […]
-
Marami pang INFRA PROJECTS para palakasin ang ekonomiya ng MIMAROPA – PBBM
NAGSASAGAWA ang gobyerno ng mas maraming pangunahing infrastructure projects sa Mindoro Occidental, Mindoro, Oriental, Marinduque, Romblon at Palawan (MIMAROPA) region para palakasin ang ekonomiya nito. Sa isinagawang pamamahagi ng financial aid sa Palawan, araw ng Huwebes, sinabi ni Pangulong Ferdinand R. Marcos Jr. na ang gobyerno ay hindi lamang masigasig sa pagbibigay ng social services […]