Paghuli sa pasaway na motorista sa Undas, tigil muna – LTO
- Published on October 28, 2022
- by @peoplesbalita
PANSAMANTALANG itinigil ng Land Transportation Office (LTO) ang panghuhuli ng mga pasaway na motorista sa panahon ng Undas.
Ayon kay LTO chief Teofilo Guadiz, wala munang panghuhuli ng mga pasaway na motorista ang LTO operatives sa panahon ng paggunita sa Undas kundi tututukan nila ang pagbibigay assistance sa mga motorista.
Gayunman, sinabi ni Guadiz na kung may mabigat na paglabag sa traffic law ang motorista tulad ng makikitang defective headlights at kalbo ang gulong ng mga sasakyan ay hindi papayagan ng LTO na ang sasakyan na makabiyahe.
Hanggang November 4 nakakalat ang mga operatiba ng LTO sa NCR at mga lalawigan para magbigay ng alalay sa mga motorista kaugnay ng ‘Oplan Biyaheng Ayos Undas 2022’.
Sa ilalim nito masusing babantayan ng mga elemento ng LTO ang mga aktibidad sa main thoroughfares at transport terminals sa NCR at sa mga lalawigan .
Kahapon may tatlong pampasaherong bus na ininspeksyon ng LTO sa NCR ang hindi pinabiyahe dahil sa ilang violations tulad ng pagkasira ng signal light at walang mga sticker ng PWD, no smoking at seatbelt, hindi nakaparenew ng rehistro, defective reverse light, defective wiper, broken side mirror at broken window glass. (Daris Jose)
-
DepEd, target ang 100% na pagpapatuloy ng in-person classes sa susunod na school year
HANDA na ang bansa para sa “full and nationwide implementation” ng face-to-face classes sa susunod na taon. Iyon nga lamang ang modalities ay depende sa lokasyon ng eskuwelahan. Sa Laging Handa Public briefing, sinabi ni Department of Education (DepEd) Secretary Leonor Briones, may 73.28 porsiyento ng kabuuang bilang ng pampublikong eskuwelahan […]
-
KORINA, proud na proud na pinost ang kanyang white bathing suit shot; fresh episodes ng ‘Rated Korina’ dapat abangan
MAY pasabog na naman na IG post si Korina Sanchez-Roxas bago matapos ang Tag-init na kung saan proud na proud niyang ibinalandra ang series of photos na suot ang white one-piece bathing suit. May caption ito ng, “Just sayin’. At my age, I don’t think twice about posting a good bathing suit shot. […]
-
Mas maunlad na ekonomiya, asahan sa Alert Level 1
NANINIWALA si Taguig Mayor Lino Cayetano na sa paglalagay sa Alert Level 1 sa Metro Manila ay hindi lamang new normal ang dapat asahan, kundi ang mas mainam na kinabukasan para sa ekonomiya. Maibabalik aniya, ang buhay ng ekonomiya, kahit hindi naman agad-agad basta magtiwala lamang ang mga kababayan, Dapat aniya, na maging […]