PAGLUWAG SA TRAVEL RESTRICTION, HUDYAT NG PAGTAAS NG DAYUHANG BIYAHERO SA BANSA
- Published on May 31, 2022
- by @peoplesbalita
UMAASA ang Bureau of Immigration (BI) na ang pagluluwag sa travel restrictions ay hudyat na tataas ang bilang ng mga biyahero sa Pilipinas.
Sinabi ng BI Commissioner Jaime Morente na ang pag-aalis ng RT-PCR requirement para sa mga paparating na biyahero at ganap na bakunado at kahit na isang booster shot ay nakakaengganyo sa ilang dayuhang biyahero na dumalaw sa Pilipinas.
Maging ang travel insurance requirement para sa mga paparating na pasahero ay tinanggal na rin, pero bagama’t hindi na hinihingi, mahigpit pa ring inirerekomenda ang health protocol.
“With this development, travel will be easier in the new normal,” ayon Morente. “We hope that this will boost the number of international arrivals in the next few months,” dagdag pa nito.
Ibinalita ni Morente na nitong summer season, nagtala ang BI ng 15,000 total per day. “The arrivals have steadily increased since February, but has plateaued at the tail end of summer,” iniulat nito.
Inabiso ng Inter-Agency Task Force for the Management of Emerging Infectious Diseases (IATF) na simula May 30, lahat ng mga dayuhan na fully vaccinated foreign at may booster shot ay exempted na sa RT-PCR test requirement.
Kabilang din sa exempted ay ang mga fully vaccinated na mga bata na may edad 12 hanggang 17 at 12 anyos pababa kahit anuman ang kanilang vaccination status.
“We are hoping that little by little, the country’s international tourism sector can once again flourish as we move towards the new normal,” ayon kay Morente. (GENE ADSUARA)
-
Barangay employees, kasali na sa ‘Pambansang Pabahay’
PASOK na rin ang mga empleyado ng barangay sa mga benepisyaryo ng programang pabahay ng pamahalaan. Batay ito sa probisyon ng isang memorandum of understanding (MOU) na nilagdaan kamakailan nina Human Settlements and Urban Development Secretary Jose Rizalino Acuzar at Interior Secretary Benhur Abalos. Base sa kasunduan, magtatayo ng housing units para sa mga mahihirap […]
-
P1.7 bilyong shabu sa tea bag nakumpiska, 2 Chinese tiklo
NAKAKUMPISKA ng 260 kilo ng hinihinalang shabu na nakasilid sa tea packs at nagkakahalaga ng kabuuang P1.768 bilyon, ang mga tauhan ng Philippine Drug Enforcement Agency (PDEA), katuwang ang Philippine National Police (PNP), sa dalawang sabayang buy-bust operation sa Quezon City at Cavite kahapon. Batay sa ulat ni PDEA Director General Wilkins Villanueva, […]
-
Lady Gaga at Jennifer Lopez, special guests sa inauguration nina US Pres. Joe Biden at Vice Pres. Kamala Harris
SINA Lady Gaga at Jennifer Lopez ang dalawa sa magiging panauhin sa inauguration ng bagong US President Joe Biden at US Vice President Kamala Harris ngayong January 20. Magaganap ang sworn in nila Biden at Harris sa West Front ng US Capitol. Si Lady Gaga ang aawit ng national anthem samantalang si J.Lo […]