• April 25, 2025
  • Ang Diyaryong Pinagkakatiwalaan

PANAWAGAN sa KONGRESO at kay PANGULONG DUTERTE: IBASURA ang PLANO na MANDATORY CONSOLIDATION of FRANCHISE at REBISAHIN ang MULTA at PARUSA sa ILALIM ng JAO 2014-01.

Dalawang polisiya ang mariing tinututulan ng Lawyers for Commuters Safety and Protection (LCSP) na sa aming pag-aaral ay maglalagay sa agrabyado sa transport sector at mga pasahero. Tutol ang LCSP sa sapilitang pag-consolidate ng mga prangkisa sa iisang corporation o cooperatiba at mawala na ang mga single franchise holders na pinaghirapan makuha at inalagaan para sa kabuhayan ng mga franchise holders.

 

 

 

Bagama’t ang prangkisa ay isang pribilehiyo na ipinagkakaloob ng gobyerno sa isang tao na may negosyong pampubliko tulad ng transport, hindi naman maaring bawiin ito sa kanila ng walang sapat na dahilan.

 

 

Halimbawa ang prangkisa ng jeepney operator na nasa pangalan na niya sa mahabang panahon ay dapat na pumaloob sa isang cooperatiba o corporation kasama ang ibang operators at ang franchise ay magiging sa pangalan ng corporation o cooperatiba at hindi na sa kanya.  Ito daw ang solusyon para hindi mag-agawan ng pasahero sa lansangan?! Abay ‘di ba ang mga bus ay nasa pangalan ng corporation pero bakit nag-aagawan pa rin ang pasahero?

 

 

At sa totoo lang hindi nag-aagawan ng pasahero ang mga driver, mas malimit na ang mga pasahero ang nag-aagawan para makasakay! Mas malaki rin ang financial requirement pag i-corporation o cooperatiba.

 

 

Ang sa LCSP naman ay huwag na gawing mandatory ang consolidation. Labag ito sa prinsipyo na voluntary lang ang pagsali sa cooperatiba. Ngayon iko-konekta natin ang plano ng mandatory consolidation sa parusa ng JAO!

 

 

Dahil sa ang prangkisa ay nasa pangalan ng coop o corporation at halimbawa ay nag out-of-line ang isang myembro nito ay madadamay sa pag blacklist ang ibang units na hindi naman kasama sa violation at maaring hindi na sila makapamasada dahil revoke ang buong prangkisa ayon sa JAO!

 

 

At ano epekto sa pasahero? Mababawasan ang lehitimong pumapasada at mahihirapan sila makasakay.  At ano ang gagawin ng mga operator at driver para hindi mawalan ng hanapbuhay? Mangonngolorum ang mga ito? Sa Senado ay may resolution si Sen. Grace Poe – P S. RES. 910 na may titulong DIRECTING THE SENATE COMMITTEE ON PUBLIC SERVICES TO CONDUCT AN INQUIRY, IN AID OF LEGISLATION, ON THE REPORTS BY PUV DRIVERS AND OPERATORS IN VARIOUS PROVINCES OF THE COUNTRY THAT THE PENALTIES UNDER DOTR LTFRB LTO JAO 2014-01 ARE UNJUSTLY HARSH AND SEVERELY IN EXCESS OF THOSE PROVIDED UNDER RA 4136 OTHERWISE KNOWN AS LAND TRANSPORTATION AND TRAFFIC CODE.

 

 

Ang panawagan ng LCSP – muling buhayin ito at mapagusapan na rin ang sapilitang consolidation ng mga prangkisa. (Atty. Ariel Enrile – Inton)

Other News
  • VP Sara ngayong Rizal Day: alalahanin ang kanyang katapangan sa gitna ng opresyon

    NANAWAGAN si Vice President Sara Duterte sa sambayanang Filipino na gunitain ang alaala ng Pambansang Bayani na si Gat. Jose Rizal sa pamamagitan ng pag-alala sa kanyang katapangan sa gitna ng opresyon at paninindigan kung ano ang tama. “Ang napakatinding pagsubok na kanyang pinagdaanan ay nagpapaalala sa atin na kahit sa pinakamadilim na oras, ang […]

  • Ombudsman, ibinasura ang mga kaso ni Duque sa ukol sa P41-B pandemic supply

    IBINASURA na ng Office of the Ombudsman ang mga administrative charges laban kay dating Department of Health (DOH) Sectretary Francisco Duque III tungkol sa mga kinikwestyong pagbili ng mga Covid-19 supplies at Covid kits na nagkakahalaga ng P41 billion noong taong 2020.     Ang mga kasong grave misconduct, conduct prejudicial to the best interest […]

  • Agri party list Rep. Wilbert Lee, unang naghain ng COC sa pagka-Senador

    UNANG kandidato na naghain ng Certificate of Candidacy para sa pagka-senador si Agri party list Rep. Wilbert Lee ngayong Oct. 1.     Tatakbo siya sa ilalim ng Aksyon Demokratiko at pagtutuunan ang pansin sa kanyang kampanya ang abot kayang pagkain, job security at quality, accessible at compassionate healthcare para sa lahat.     Pagkatapos […]