Pangarap ni Jerusalem natupad
- Published on September 21, 2024
- by @peoplesbalita
Pinangarap ni world boxing champion Melvin Jerusalem na lumaban sa harap ng kanyang mga kababayan.
At ngayong natupad na ito ay hindi sasayangin ng World Boxing Council (WBC) minimumweight king ang pagkakataon.
“Kasi pangarap kong maka-depensa dito sa Pilipinas, kaya hindi ko na sasayangin ang pagkakataon,” sabi ni Jerusalem sa panayam ng Philstar.com matapos ang kanyang media workout kahapon sa Elite Gym sa Bonifacio Global City sa Taguig.
Nakatakdang ipagtanggol ni Jerusalem, nagdadala ng 22-3-0 win-loss-draw ring record tampok ang 12 knockouts, ang kanyang korona kontra kay Mexican mandatory challenger Luis Angel Castillo (21-0-1, 13 KOs) sa Linggo sa Mandaluyong City College Gym.
Ang 30-anyos na si Jerusalem ang isa sa dalawang natitirang Filipino reigning world champions bukod kay Pedro Taduran na may suot ng International Boxing Federation (IBF) minimumweight belt.
Kasama sina trainer Michael Domingo at top promoter JC Mananquil ng Sanman Boxing, sumalang si Jerusalem sa skipping rope, shadow boxing, mitts at heavy, speed at double-end bags.
Napasakamay ng tubong Manolo Fortich, Bukidnon ang WBC minimumweight belt matapos ang via split decision laban kay Japanese Yudai Shigeoka sa Nagoya noong Marso 31.
Kumpiyansa si Jerusalem na maipapalasap niya sa 27-anyos na si Castillo ang kauna-unahan nitong kabiguan.
“Laruin lang natin, Sir. Ibigay natin ang best natin,” wika ng Pinoy champion.
Naniniwala rin siyang makukuha ang minimumweight limit na 105 pounds sa nakatakda nilang official weigh-in ni Castillo sa Sabado.
-
DC’s The Flash Movie Getting Another Barry Allen: Grant Gustin To Have A Cameo
DC’s upcoming The Flash movie is reportedly getting another Barry Allen. The star of the CW Arrowverse series of the same name, Grant Gustin, feature in a cameo role. Directed by Andy Muschietti, the long-awaited Barry Allen solo movie is finally kicking into high gear after years of being stuck in development hell. Filming […]
-
Ads October 22, 2021
-
99,600 doses ng Moderna vaccine ibibigay sa Overseas Filipino workers at seafarers- Galvez
MAY kabuuang 99,600 doses ng Moderna vaccine ang dumating sa bansa kahapon, Hunyo 29. Ang mga bakunang ito ay ibibiigay naman sa Overseas Filipino Workers at Seafarers. “Ibibigay namin ‘to sa mga OFWs at seafarers na pinangakuan natin at sa ating mga frontliners na kailangang kailangan po, ‘yong different government employees po natin,” […]