PAOCC, nagbabala sa mga may-ari laban sa pagpapa-upa ng mga property sa illegal POGOs
- Published on January 4, 2025
- by Peoples Balita
MAAARING mawala mula sa mga establishment owners ang kanilang mga property kung papayagan ng mga ito na gamitin ang kanilang mga propyedad ng illegal Philippine Offshore Gaming Operators (POGO).
Sa isang panayam, sinabi ni Presidential Anti-Organized Crime Commission (PAOCC) Executive Director Gilbert Cruz na itutulak ng organisasyon na ma-forfeit ang kanilang mga ari-arian.
“Medyo delikado po ‘yan para sa kanila baka mawala ‘yung property nila kasi pwede po namin file-an ng criminal forfeiture ‘yan kung talagang inallow nila na ipagamit ‘yung kanilang property or resort nila para sa mga ganitong activity,” ang sinabi ni Cruz.
Irerekomenda rin aniya ng PAOCC ang paghahain ng reklamo sa mga naaangkop na awtoridad laban sa mga nagmamay-ari na pumayag na rentahan ang kanilang establishment para sa illegal na operasyon ng POGO.
Samantala, sinabi ni Cruz na isa sa mga tagapagpahiwatig ng POGO operation ay ang presensiya ng mga dayuhan at kapag ang residente ay hindi umalis sa bahay at makikitang aktibo sa loob ng 24 oras.
“Isa sa mga indicators is nag o-operate po sila gabi, madaling araw, tapos may mga foreigners po sa loob. Ngayon nagpapa-deliver na lang sila ng pagkain. Kadalasan hindi na sila nag luluto,” ani Cruz.
“Tapos po nagpapadagdag sila ng internet connection and then nakikita nila maraming sasakyan… ‘yun yung isa sa mga indicators,” aniya pa rin.
Kaya nga ang panawagan ni Cruz sa mga concerned citizens ay i-report ang ganitong senaryo sa mga awtoridad, ang pagrereport aniya ay mananatiling anonymous para sa kanilang proteksyon.
Samantala, ibinalita naman ni Cruz na ang isa sa establishment na sinalakay ng PAOCC sa Pasay City ay ginagamit ngayon bilang kanlungan para sa mga batang lansangan.
“‘Yung iba pong building na nahuli natin before ay nagagamit na po natin like ‘yung isang nahuli natin dito sa Metro Manila ginagamit na po nating parang tahanan po ng mga nakukuhang street children,” ani Cruz.
Winika pa nito na ang inisyatiba ay ginawa sa pakikipag-ugnayan sa Department of Social Welfare and Development (DSWD). (Daris Jose)
Other News
-
Ads October 18, 2024
-
PDU30, alam na hindi labag sa batas ang posibleng pagtakbo bilang vice president sa 2022 elections
HINDI naman lingid sa kaalaman ni Pangulong Rodrigo Roa Duterte ang nakasaad sa Saligang Batas partikular na sa kanyang magiging pagtakbo bilang bise-presidente sa 2022 elections. Kaya naman ayon kay Presidential spokesperson Harry Roque, nakatitiyak ang Pangulo na wala itong lalabaging batas sakali mang magdesisyon siyang tumakbo bilang bise presidente Sa 2022 elections. […]
-
Mga POGO workers, pinaalalahanan sa year end deadline
NAGPAALALA ang Bureau of Immigration (BI) sa mga dayuhang manggagawa sa Philippine Offshore Gaming Operators (POGOs) sa mandato ng gobiyerno hinggil sa deadline na pag-alis nila sa bansa sa katapusan ng taon. Binigyan diin ni BI Commissioner Joel Anthony Viado na madaliin ito dahil mayroon na lamang 31 na araw ang mga dayuhan […]