• March 29, 2024
  • Ang Diyaryong Pinagkakatiwalaan

Para kay Panelo, binatang may autism, imposibleng mang-agaw ng baril at manlaban sa pulis

IMPOSIBLE para sa pinatay na binatang may “special needs” ang mang-agaw ng baril at manlaban sa isinagawang raid sa illegal cockfight sa Valenzuela City.

 

Namatay ang 18 anyos na si Edwin Arnigo sa gitna ng operasyon kontra tupada nitong Linggo.

 

Sinabi ni Chief Presidential Legal Counsel Salvador Panelo na kailangang maimbestigahang mabuti ang pagkamatay ng 18 taong gulang na si Edwin Arnigo, taong may autism na di umano’y nang-agaw ng service firearm ng isa sa mga nag respondeng police officers sa nasabing operasyon.

 

“Meron daw pinatay na 18 taong gulang na autistic. Aba’y tinamaan ng ano… Kailangan… At pulis pa daw diyan sa Valenzuela. Aba, kailangang maibestigahan ito,” ayon kay Panelo sa kanyang commentary show na “Counterpoint.”

 

Umaasa si Panelo na magsasagawa ng impartial probe si Philippine National Police chief Gen. Guillermo Eleazar, lalo pa’t malabong masangkot sa “gun scuffle” si Arnigo.

 

“Hindi tayo papayag na special child eh nanlaban daw. Teka muna, paano manlalaban ang special child na ito eh hindi naman marunong humawak ‘to ng baril ,” anito.

 

Nauna rito, nagsagawa na ng hiwalay na imbestigasyon ang PNP Internal Affairs Service at National Bureau of Investigation (NBI) sa kaso ni Arnigo.

 

Ipinag-utos na rin ni Eleazar ang administrative relief ng apat na pulis na sangkot sa pagkamatay ni Arnigo.

 

Ang apat na pulis na sinibak sa puwesto ay sina M/Sgt. Christopher Salcedo and Corporals Kenneth Pacheco, Rodel Villar, at Rex Paredes.

 

Tiniyak naman ni Philippine National Police Chief Gen. Guillermo Eleazar na walang magiging cover-up sa imbestigasyon sa pagkamatay ng binatang may autism sa Valenzuela.

 

Namatay ang 18 anyos na si Edwin Arnigo sa gitna ng operasyon kontra tupada nitong Linggo.

 

Sinabi ng pulisya na nang-agaw umano ng baril si Edwin kaya nabaril. Pero pinabulaanan ng pamilya ng biktima ang pahayag ng mga awtoridad.

 

Samantala, walang dapat na ikatakot ang mga testigo para sabihin ang kanilang nalalaman sa insidente.

 

“Alam po ninyo, kailangan matigil lahat ito. Kaya tama itong ginagawa ni Gen. Eleazar, nagiging pursigisdo siya na linisin yung mga rascal diyan sa loob ng PNP at maging masigasig din siya sa pagtugis ng mga kriminal at bigyan ng solusyon lahat ng problemang naka-atang sa kanila,” ani Sec. Panelo. (Daris Jose)

Other News
  • Binebentang karne nakaabot na sa ibang bansa: WENDELL, tahimik lang pero mukhang makabubuo na sariling business empire

    NAKATUTUWA ang actor na si Wendell Ramos dahil tahimik lang, pero mukhang nakabubuo na ng sarili niyang business empire.   Aba, kailan lang halos sinimulan ni Wendell ang kanyang business na “WenDeli Meat House” pero ang layo na pala ng nararating nito. Halos pandemic din nang mag-venture rito si Wendell at ngayon, literal na malayo na […]

  • Booster shot, gagawing requirement sa trabaho

    PINAG-AARALAN ng Department of Health (DOH) kung kailangang gawing requirement na rin ang booster shot ng COVID-19 vaccines para makapasok sa trabaho ang isang empleyado bukod sa ‘primary vaccine’.     Ito ay kung maaaprubahan ang panukala na isa ang booster shot sa pangunahing serye ng bakuna kontra sa virus na kasalukuyang isa hanggang dalawang […]

  • Tokyo Olympics hindi apektado sa ipinatupad na travel ban ng US

    Hindi apektado ang gagawing Tokyo Olympics sa travel ban na ipinatupad ng US dahil sa pangambang pagtaas ng kaso ng COVID-10.     Sinabi ni Japanese government Katsunobu Kato na walang pagbabagong ipapatupad ang organizers ng Tokyo Olympics.     Alam nila na suportado ng US ang pagsasagawa ng Olympics at Paralympic Games.     […]