Para mapigilan ang maling paggamit sa gitna ng eleksyon … DSWD, tiniyak ang mas mahigpit na AKAP guidelines
- Published on February 28, 2025
- by Peoples Balita
MULING tiniyak ni Department of Social Welfare and Development (DSWD) Secretary Rex Gatchalian na magkakaroon ang ”Ayuda para sa Kapos ang Kita” Program (AKAP) ng mas mahigpit na safety protocols at mananatiling transparent, base sa panukalang guidelines.
Binigyang diin ni Gatchalian ang ‘collaborative effort’ sa pagitan ng DSWD, Department of Labor and Employment (DOLE), at National Economic Development Authority (NEDA) para palakasin ang mga alituntunin at tiyakin na nasa ayos ang mga pananggalang para mapigilan ang maling paggamit ng pondo.
Sa kanyang veto message matapos lagdaan ang General Appropriations Act (GAA) of 2025, sinabi ni Pangulong Ferdinand Marcos Jr. na maaaring magpatuloy ang DSWD sa pag-rollout ng AKAP matapos na aprubahan ang ‘updated at clearer guidelines’ na binuo sa pakikipagtulungan sa DOLE, NEDA, at DSWD.
“The revised guidelines are currently under review by the Office of the President and the Department of Budget and Management, and reiterated that they were crafted to strengthen safeguards and prevent political partisanship ahead of the midterm elections,” ayon sa Kalihim.
Kabilang sa mga pangunahing safety measures ay ang paglalathala ng mga pangalan ng benepisaryo at mas mas mahigpit na pagbabawal sa mga political candidates na maugnay sa AKAP payout activities.
Sa kabilang dako, kumpiyansa naman si Gatchalian na ang updated guidelines ay makatatanggap ng pinal na pag-apruba mula kay Pangulong Marcos, na sa huli ay makapagpapalakas sa public trust sa programa.
Samantala, sinabi ni Gatchalian na napakinabangan ng 4 milyong Filipino ang AKAP noong 2024.
Layon ng programa na makapagbigay ng financial assistance sa low-income at minimum-wage earners, partikular na sa mga apektado ng inflation at economic challenges.
Target nito ang vulnerable sectors, kabilang na ang mga magsasaka, mangingisda at manggagawa mula sa informal economy, para mapagaan ang kanilang pasanin sa pananalapi. (Daris Jose)
-
YORME ISKO, PINANGUNAHAN ANG 120TH ANNIVERSARY NG MPD
“Ang karanasan ko sa pakikisalamuha sa mga kriminal, nagagamit ko ngayon bilang isang Mayor” Ito ang isa lamang sa mensahe ni Mani Mayor Francisco “Isko Moreno” Domagoso sa kanyang pagdalo bilang pangunahing pandangal sa ika-120th founding anniversary ng Manila Police District (MPD) Miyerkoles, sa MPD headquarters sa UN Ave., Manila. Sa kanyang […]
-
Sec. Duque, may karapatan sa due process sa harap ng ibinabatong akusasyon laban sa kanya
HINDI dapat ipagkait kay DOH Secretary Francisco Duque lll ang karapatan nito na mabigyan ng due process sa gitna ng mga kinakaharap nitong kontrobersiya. Pahayag ito ni Presidential Spokesperson Harry Roque hinggil sa polisiya ni Pangulong Rodrigo Roa Duterte na amoy pa lang ng korupsiyon ay may ipapataw ng aksiyon sa mga nadadawit sa iregularidad. […]
-
Approach ni PDu30 sa WPS, gumagana
GUMAGANA ang “approach” ni Pangulong Rodrigo Roa Duterte sa usapin ng West Philippine Sea lalo pa’t wala namang teritoryo ng bansa ang nakuha ng China simula nang maupo siya sa puwesto. Ang pahayag na ito ni Presidential Spokesman Harry Roque ay tugon sa suhestiyon ni Vice President Leni Robredo na kailangan ang multilateral approach […]