• March 29, 2024
  • Ang Diyaryong Pinagkakatiwalaan

PBBM, pinangalanan sina Vergeire at Robles bilang DOH OIC at PCSO GM

PINANGALANAN na ni Pangulong  Ferdinand “Bongbong” Marcos Jr.  si Health Undersecretary Maria Rosario Vergeire bilang officer-in-charge (OIC) ng Department of Health (DOH) at hinirang naman si  dating Light Rail Transit Authority administrator Mel Robles bilang general manager ng  Philippine Charity Sweepstakes Office (PCSO).

 

 

Inanunsyo ito ni Press Secretary Trixie Cruz-Angeles sa isang press briefing, kahapon Huwebes.

 

 

“Ngayong araw po ay itinilaga po si Dr. Rosario Vergeire bilang OIC ng Department of Health,” ayon kay Cruz-Angeles.

 

 

Bago pa ang kanyang bagong appointment, nagsilbi si Vergeire bilang  DOH Undersecretary for Public Health Services Team.

 

 

Buwan ng Hunyo nang ipagkatiwala kay Vergeire na pamunuan ang  National Vaccination Operations Center (NVOC),  ang “body”  na inatasan na tiyakin ang tamang “storage, inventory and delivery of coronavirus disease 2019 (Covid-19) vaccines” at  i-develop tamang  guidelines para sa national vaccination program against the coronavirus.

 

 

Samantala,  sinabi pa ni Cruz-Angeles na “Sa Philippine Charity Sweepstakes Office naman, nominado si Mr. Mel Robles, dating Light Rail Transit Authority administrator, bilang general manager.”

 

 

Si Robles,  ani Cruz-Angeles ay kinilala sa kanyang naging mahalagang gampanin na gawin ang LRTA na “profitable” sa ilalim ng kanyang liderato.

 

 

Si Robles ay dating board member ng  Intercontinental Broadcasting Corporation.

 

 

Sa kabilang dako, hanggang sa ngayon ay hindi pa rin nakapagpapalabas ang Malakanyang ng appointment papers nina Vergeire at Robles.

 

 

Welcome naman sa  DOH ang pagtatalaga kay Vergeire bilang DoH OIC. Looking forward ang  departamento sa pagpapatuloy ng pagbangon at pagbawi ng bansa mula sa pandemya.

 

 

“[The] DOH appreciates the President’s confidence in one of its career executives, including the immense responsibility such trust brings,” ayon sa DoH  sabay sabing “Each and every member of the DOH family shall work together to continue the gains instituted by previous administrations.”

 

 

Tiniyak din ng departamento sa publiko na ginagawa na nito ang lahat ng kanilang makakaya tungo sa universal health care para sa mga  Filipino. (Daris Jose)

Other News
  • DBM, inilunsad ang ‘Angat local PH’ para sa devolution info

    INILUNSAD ng Department of Budget and Management (DBM), kasama ang Department of the Interior and Local Government (DILG), at Presidential Communications Operations Office (PCOO), ang “Angat Lokal PH’ Facebook page para ikasa at masimulan ang “awareness at information campaign on devolution” ng pamahalaan.   Ang ‘Angat Lokal PH” FB page ay official social media platform […]

  • SUNSHINE, tuluyan nang gumaling sa COVID-19 dahil sa pagbi-beach kasama ang mga anak

    DAGAT lang daw pala ang magpapagaling ng tuluyan sa actress na si Sunshine Cruz.     Simula raw kasi nang tamaan siya ng COVID-19 kunsaan, mas higit pa sa 14 days ang naging healing period niya, inamin ni Sunshine na naging weak o mahina na raw ang lungs niya.     May mga gabing hindi […]

  • 4 pang siyudad target ng PBA

    Puntirya ng pba na dalhin ang liga sa iba’t ibang siyudad sa loob ng National Capital Region (NCR) gayundin sa ilang kalapit na probinsiya.     Sa Pasig City ang magsisilbing venue ng opening games ng PBA Season 46 Governors’ Cup ngunit plano ng PBA management na dayuhin ang apat pang cities.     Kinakausap […]