• July 19, 2024
  • Ang Diyaryong Pinagkakatiwalaan

PDu30, pabor na buhayin ang death penalty matapos ang krimeng ginawa ni Nuezca

NAKASALALAY sa Mababang Kapulungan ng Kongreso ang muling pagbuhay sa death penalty.

Sinabi ni Presidential Spokesperson Harry Roque na bagama’t pabor si Pangulong Rodrigo Roa Duterte sa death penalty ay nakasalalay pa rin sa magiging desisyon ng Kongreso ang usaping ito.

“Ang pagpapasa po ng death penalty, ang pagbuhay .. iyan po ay sa simula’t mula ay prayoridad ng ating Presidente pero nakasalalay po ang mangyayari sa batas na ‘yan siyempre sa kamay ng mga mambabatas ng Mababang Kapulungan at ng ating Senado,” ayon kay Sec. Roque.

Bumuhos kasi sa social media ang panawagan ng mga netizens sa pamahalaan na buhayin na muli ang death penalty matapos ang ginawang pamamaril ni Senior Master Sergeant Jonel Nuezca sa mag-inang Sonya Rufino Gregorio at anak nitong si Frank Anthony Rufino Gregorio, sa Paniqui, Tarlac sa gitna ng argumento, dahil diumano sa “boga” at right of way.

May ilan ding mga mambabatas ang nananawagan na buhayin ang death penalty.

“Malinaw po ang stand ng Presidente dyan, pabor po ang Presidente sa death penalty lalo na po sa wide-scaled drug trafficking pero nasa kamay na po iyan ng mga mambabatas,” ani Sec. Roque.

Samantala, ang leksyon naman ng mga pulis na maaaring makuha mula sa ginawa ni Nuezca ay maging ehemplo sa lahat at huwag hayaang maging dahilan para masira ang reputasyon at integridad ng Philippine National Police (PNP).

‘It takes only one.. one of you to destroy the reputation and integrity of the institution. Bagama’t sinasabi po natin ngayon sa lahat na nag-iisang bugok lang naman ‘yang pulis na ‘yan eh nakita ninyo naman ang epekto. Kaya nga po, importante na sa inyong mga buhay ay alalahanin ninyo po.. hindi lang kayo si Juan del Cruz .. kayo po ay kabahagi ng institusyon .. ng isang institusyon na pag nawala po ang tiwala ng taumbayan ang resulta po eh magkakagulo. So, kinakailangan po na mag-ingat sa ating mga pang-araw-araw na buhay. Maging ehemplo na at ipadala ang mensahe dito sa bayang ito dahil tayo po ay kumikilala sa rule of law, ang nagpapatupad ng batas ay siyang susunod sa batas,” litaniya ni Sec. Roque. (DARIS JOSE)

Other News
  • May badyet bago matapos ang taon – Speaker Romualdez

    SINIGURO  ni Speaker Martin Romualdez ngayong Biyernes kay Presidente Bongbong Marcos at sa buong bansa na magkakaroon ng “Agenda for Prosperity national budget” bago matapos ang taon.     Ang paniniguro ay ginawa ni Romualdez kasunod na rin nang pagsisimula ng kamara at senado para mapagtugma ang kani-kanilang bersiyon ng panukalang P5.268-trilyong 2023 budget sa […]

  • Tindero ng pares hinoldap, binaril

    Kritikal ang lagay ng isang tindero ng pares matapos barilin ng holdaper sa Baseco Compound, Port Area, Manila, noong Martes ng hatinggabi.   Pauwi na ang biktimang kinilalang si Samson Bautista, 41, kasama ang kanyang kaibigang si Pio Ramos sakay ng kanilang tricycle nang harangin ng armadong lalaki sa Barangay 649. Sa CCTV footage mula […]

  • ILANG KALSADA, DI PA RIN MADAANAN-DPWH

    NAG-ABISO sa mga motorista ang Department of Public Works and Highways (DPWH)  na hindi pa rin maaaring madaanan ang walong kalsada habang limitado ang access ng limang pang kalsada dahil sa pagbaha, landslide, bumagsak na tulay at soil collapse o pagguho ng lupa.     Ayon sa Department of Public Works and Highways-Bureau of Maintenance […]