• February 17, 2025
  • Ang Diyaryong Pinagkakatiwalaan

Perez, Black kikilalanin ng PBA Press Corps

PAMUMUNUAN nina Christian Jaymar ‘CJ’ Perez at Aaron Black ang mga gagawaran sa PBA Press Corps PBAPC) virtual Awards Night 2021 sa Marso 7 sa TV5 Media Center sa Mandaluyong.

 

 

Sa pangalawang sunod na taon, tinanghal na Scoring Champion si Perez, 27. Si Black, 30, ang mamumuno sa All-Rookie Team.

 

 

Pinag-isa ng mga reporter na regular na kumukober ng Philippine Basketball Association (PBA) ang pagkilala sa top performers ng 2019 o 45th season at 2020 Philippine Cup sa Clark bubble dahil hindi naidaos ang okasyon sa nakaraang taon sanhi ng Coronavirus Disease 2019.

 

 

May average si Perez na 24.4 points sa all-Pinoy conference sa Pampanga habang nasa Terrafirma pa.

 

 

Nitong offseason o Pebrero 1 lang, lumipat na siya ng San Miguel Beer kapalit ng limang manlalaro.

 

 

Sa kanyang unang taon sa liga, Rookie of the Year ang dating kamador ng Lyceum of the Philippine University Pirates at kasama sa Mythical Team.

 

 

Hindi natakot si Black sa bubble, parang beterano kapag rumesponde sa tawag ng Meralco na tinulungan niya hanggang semifinals. Siay ang tatanggap ng Outstanding Rookie ng bubble.

 

 

Kasama ni Black sa All-Rookie squad sina Arvin Tolentino ng Barangay Ginebra San Miguel, Roosevelt Adams ng Dyip, Barkley Ebona ng Alaska Milk at Renzo Subido ng NorthPort.

 

 

Magkakaloob din ng Outstanding Coach of the Bubble, Mr. Executive, President’s Award, Top Bubble D-Fender, All Bubble D-Fenders, Mr. Quality Minutes, at Game of the Bubble. (REC)

Other News
  • Pera na kikitain mula sa E-sabong, kailangan – PDu30

    KAILANGAN ng gobyerno ang perang kikitain mula sa online cockfighting operations.     Sa naging talumpati ni Pangulong Rodrigo Roa Duterte sa groundbreaking ceremony para sa OFW Center sa Daang Hari, Las Piñas City, sinabi ng Pangulo na pinayagan niya na magpatuloy ang e-sabong dahil naubos at nasaid na ang ibang pondo dahil sa pandemiya. […]

  • Mahigit 3K katao, stranded sa mga pantalan sa Luzon at Visayas dahil sa bagyong Kristine – PCG

    INIULAT ng Philippine Coast Guard (PCG) na mahigit 3, 418 pasahero, truck drivers at cargo helpers ang stranded sa 34 na mga pantalan sa Luzon at Visayas nitong umaga ng Martes dahil sa epekto ng bagyong Kristine.     Sa kabuuan, nasa 162 indibidwal ang stranded sa mga pantalan sa southern Tagalog, 1,299 sa Bicol […]

  • Hindi nagustuhan ang ginawa ni VP Sara… AFP officers ‘di pabor sa paggamit sa kanila sa P15 million DepEd confidential funds

    HINDI nagustuhan ng mga opisyal ng sundalo ang ginawa ni Vice Pres. Sara Duterte na ginamit ang inilabas nilang sertipikasyon sa pag-liquidate ng P15 milyong halaga ng confidential funds ng DepEd dahil hindi naman ito sa kanila napunta.     Kung alam lamang umano nina retired Maj. Gen. Adonis Bajao, Lt. Col. Carlos Sangdaan Jr., […]