• February 10, 2025
  • Ang Diyaryong Pinagkakatiwalaan

Petisyon ng Light Rail Manila Corporation’s (LRMC) para sa taas pasahe, kinondena ng mambabatas

KINONDENA ni dating Bayan Muna Congressman Ferdinand Gaite ang petisyon ng Light Rail Manila Corporation’s (LRMC) para sa taas pasahe.
Tinawag pa nitong “heartless and unconscionable” ang hinihingi nilang dagdag pasahe na posibleng umabot sa P12.50 per ride.
“Walang-pusong timing ang LRMC. Nanghihingi sila ng dagdag-pasahe na aabot sa P12.50 kada biyahe habang 63% ng mga pamilyang Pilipino ay nahihirapan nang tustusan ang pang-araw-araw na gastusin. Ito ang pinakamataas na antas ng kahirapan sa loob ng dalawang dekada, pero gusto pa nilang dagdagan ang pasanin ng mga commuter,” ani Gaite.
Ayon pa sa dating kongresista, sa panukala ang short-distance trips ay P8.65 increase; mid-distance trips ay P6.02 increase; long-distance trips ay P12.50 increase. Ang maximum fare ay mula P45 sa P60.
“Hindi lang mga numero ang usapan dito. Para sa mga minimum wage earner na araw-araw sumasakay ng LRT, ang ibig sabihin nito ay mas kaunting pagkain sa mesa, mas kaunting pera para sa mga pangunahing pangangailangan. Paano ijujustify ng LRMC ang bagong taas-pasahe kung nagtaas na sila noong nakaraang taon?” tanong ni Gaite.
Nanawagan  naman ito sa Department of Transportation na ibasura ang petisyon ng LRMC.
“Nanawagan kami sa DOTr na tanggihan ang anti-mahirap na petisyong ito. Dapat naghahanap ang gobyerno ng paraan para pagaanin ang pasanin ng mamamayang Pilipino, hindi dinaragdagan ang kanilang kahirapan. Ang pampublikong transportasyon ay serbisyo, hindi luho,” diin ni Gaite. (Vina de Guzman)
Other News
  • NEW TRAILER FOR “THE FLASH” DEBUTS OUT OF CINEMACON

    WATCH worlds collide in the new trailer for The Flash. Starring Ezra Miller as the titular superhero, The Flash movie is racing to Philippine cinemas June 14.    Watch the new trailer: Youtube: https://youtu.be/LsbQYahV8BE Facebook: https://fb.watch/k7TkYKChQe/ About “The Flash” Worlds collide in “The Flash” when Barry uses his superpowers to travel back in time in […]

  • DEEP INSIDE MY HEART (Chapter 34) Story by Geraldine Monzon

    KINABAHAN si Andrea nang mapagsino ang bisitang tinanggap ni Manang Sonya. Hindi niya inaasahan na makikita niya rito ang lalaki.   “Jared?”   Napakubli siya sa likod ng makapal at mamahaling kurtina.   “A-anong ginagawa niya rito?” tanong niya sa isip.   Hindi siya makalabas mula roon lalo na nang marinig na niya ang boses […]

  • E-tap Loading Kiosks available na sa LRT1

    Ang Light Rail Manila Corp. (LRMC) na siyang private operator ng Light Rail Transit Line 1 ay naglagay ng mga e-tap loading kiosks sa mga stations bilang bahagi ng pagbibigay ng mas ligtas at kumbienteng paglalakbay ng mga pasahero.     Mayron 65 na e-tap loading stations ang nailagay sa mga LRT 1 stations mula […]