Pinas matutulad sa US, Europe sa rami ng COVID-19 cases
- Published on February 16, 2021
- by @peoplesbalita
Posibleng matulad umano sa Europa at Estados Unidos ang bilang ng COVID-19 sa bansa dahil sa desisyon ng pamahalan na muling pagbubukas ng mga sinehan at iba pang negosyo simula kahapon Pebrero 15.
Ayon kay Senate Majority leader Juan Miguel Zubiri, nakakatakot ang desisyon ng gobyerno na muling pagluluwag ng restriction sa bansa.
Paliwanag ni Zubiri, sana ay hindi muna 50% capacity dahil nakakatakot pa rin dahil sa banta pa rin ng coronavirus at iba pang variant nito.
Ang 50% capacity umano sa sinehan ay puno pa rin at kung may umubo doon, may humatsing ay napakadelikado na niyan at posibleng maging super spreader ang event na ’yan.
Idinagdag pa ng Senador na maging sa simbahan na mahilig mag “peace be with you” ang mga tao subalit hindi namamalayan ay “COVID be with you” na pala.
Kaya dahil dito kaya posible umanong magaya ang bansa sa Europa at Estados Unidos na pumalo ang bilang ng coronavirus dahil dito.
Para naman kay Sen. Grace Poe, dapat alamin muna ang mga ipapatupad na regulasyon sa mga establisimyentong magbubukas tulad ng may mga bagong filtration ng air conditioning para hindi recycled ang hangin na hinihinga ng mga tao doon.
Para kay Poe at Zubiri, bagama’t para sa pagbangon ng ekonomiya ang hakbang ng gobyerno subalit dapat una itong ipatupad sa mga lugar na kakaunti ang kaso ng sakit.
Dapat din umanong bilisan muna ang rollout ng bakuna bago aktuwal na mag-relax ng protocols. (Daris Jose)
-
Gagawa na naman ng history ang ‘Voltes V: Legacy’: MIGUEL, YSABEL at GABBY, dadalo sa San Diego Comic-Con 2023
“Voltes V: Legacy” makes history as the first Philippine TV program in Comic-Con International. GMA Network’s primetime masterpiece continues to dominate the entertainment world as it becomes the first-ever Philippine TV program to participate in the San Diego Comic-Con (SDCC) 2023. Ang GMA ay inimbitahan ng Dogu Publishing para sa biggest […]
-
Risk allowance ng 20K health workers mababayaran na
Nangako si Health Secretary Francisco Duque III na mababayaran na ang P311 Special Risk Allowance ng 20,000 pang healthcare workers. Sa kanyang pagharap sa pagdinig ng House Committee on Health, sinabi ni Duque na natukoy na ang nasabing mga healthcare workers at maibibigay na ang SRA ng mga ito ngayong araw. […]
-
Malakanyang, ibeberipika muna ang ulat na ginagawang “kubeta” ng mga barko ng China ang WPS
“We need to verify first because that is just a report.” Ito ang tugon ni Presidential Spokesperson Harry Roque sa ulat na ginagawang kubeta o tapunan ng mga ‘human waste’ o dumi ng tao ng mga barko ng China ang West Philippine Sea. Sinabi ni Sec.Roque na hindi maingat kundi kailangan na maging […]