PNP Mobile App inilunsad sa pagseserbisyo

PARA sa mas tuluy-tuloy na pagseserbisyo, inilunsad ng Philippine National Police (PNP) Communications and Electronics Service ang isang mobile application na tatawaging PNP Services.

Ang nasabing mobile ay makabagong plataporma na naglala­yon na gawing mas ­epi­syente at epektibo ang mga pangunahing serbisyo ng mga pulis sa publiko at mapahusay na rin ang komunikasyon sa pagitan ng publiko at ng kapulisan.

Makikita sa PNP mobile app ang mga directory ng mga police stations, mga serbisyong publiko at maging ilan pang mga features at maging links ng iba’t ibang tanggapan ng PNP sa buong bansa.

Sa pamamagitan nito mas magiging mabilis ang paghahatid serbisyo at matutugunan ang anumang kuwestiyon o serbisyong nais ng publiko.

Samantala, ito ay bahagi pa rin ng moderni­sasyon ng PNP kung saan layon nito na gawing mas moderno na ang approach ng mga pulis sa mga emergency cases.

Dagdag pa ng PNP, kailangan lamang i-download ang website upang maka-access.