Political leader todas sa pamamaril sa Malabon
- Published on May 6, 2022
- by @peoplesbalita
NASAWI ang isang political leader ni Malabon City Congresswoman Jaye Lacson-Noel matapos pagbabarilin ng isang hindi kilalang suspek, kamakalawa ng hapon sa naturang lungsod.
Dead-on-arrival sa Ospital ng Malabon sanhi ng tinamong tama ng bala sa ulo ang biktima na kinilala bilang Renato Luis, 47 ng Block 3, KADIMA, Barangay Tonsuya.
Sa ulat nina PSSg Michael Oben at PCpl Renz Marlon Baniqued kay Malabon police chief P/Col. Albert Barot, habang naglalakad ang biktima sa KADIMA Basketball Court, Brgy. Tonsuya dakong 3:36 ng hapon nang mula sa likod ay sumulpot ang suspek at pinagbabaril siya.
Matapos ang insidente, mabilis na tumakas ang suspek patungong DAMATA Brgy. Tonsuya habang isinugod naman ang biktima ng kanyang pamilya sa nasabing pagamutan.
Mariin namang kinondena ni Cong. Lacson-Noel ang pagpatay sa biktima. “Ang pagkamatay ni Renato “Atong” Luis, isa sa mga masisipag kong leaders mula sa Brgy. Tonsuya na pumanaaw sa nakakapanlumong paraan ay nagiwan ng puwang sa puso ng kaniyang mga kamag-anak, pinagseserbisyuhang mga Malabonians at sa amin na kaniyang mga kaibigan.
Ang mga mabubuti niyang nagawa at kontribusyon para sa ating siyudad lalo na sa kanyang barangay ay kailanman hindi mapupukaw.
Mula po sa aking puso at ng aking buong pamilya ay aking iniaalay ang aking sinserong pakikiramay at pakikidalamhati sa pagpanaw ng isang mabuting Malabonian at kaibigan” pahayag niya.
Iniutos na ni Col. Barot ang masusing imbestigasyon para matukoy ang pagkakilanlan at pagkakaaresto sa suspek habang inaalam pa ang motibo sa pagpatay sa biktima. (Richard Mesa)
-
HIGIT 49M OFFICIAL BALLOT, NA-IMPRENTA NA
MAHIGIT 49 milyon o halos 74 porsiyento ng mahigit 67 milyong opisyal na balota ang naimprenta na sa National Printing Office (NPO) sa Quezon City, iniulat ng Commission on Elections (Comelec) nitong Martes. Mula sa 13 rehiyon, nakapag-imprenta na ng 73.7 percent kasama ang Bangsamoro Autonomous Region in Muslim Mindanao (BARMM) at Cordillera […]
-
NAKATANGGAP sina Navotas Mayor John Rey Tiangco at Representative Toby Tiangco ng recognition
NAKATANGGAP sina Navotas Mayor John Rey Tiangco at Representative Toby Tiangco ng recognition bilang 2023 Outstanding Public Servants mula sa RP-Mission and Development Foundation, Inc. (RPMD). Nagpasalamat naman ang Tiangco brothers sa kontribusyon ng mga opisyal at empleyado ng lungsod sa paghahatid ng dekalidad na serbisyo publiko at mga Navoteño sa kanilang matatag na pagtitiwala […]
-
Ikalimang taon na ito ng ‘national treasure’: VICE GANDA, tinanghal uli bilang ‘Most Trusted Entertainment & Variety Presenter’
KASAMA uli si Vice Ganda sa mga pinagkakatiwalaang personalidad sa 2023 Reader’s Digest Trusted Brands awards. Tinanghal ang “It’s Showtime” host bilang Most Trusted Entertainment & Variety Presenter, na binanggit ang kanyang likas na kakayahan na magpatawa at mapaiyak ng mga tao, na labis na nakaapekto at nakaiimpluwensya. “His cultural impact […]