Pres. Duterte posibleng samahan ang mga atletang Pinoy na sasabak sa Tokyo Olympics – PSC

Malaki ang posibilidad na dadalo si Pangulong Rodrigo Duterte para saksihan ang pagsabak ng mga atletang Filipino sa Tokyo Olympics mula Hulyo 23 hanggang Agosto 8.

Sinabi ni Philippine Sports Commission (PSC) chairman William Ramirez, isa ang pangulo sa tatlong opisyal ng gobyerno na nakatakdang sumama sa 19 atletang maglalaro sa Olympics.

Bukod sa pangulo, kabilang din dito sina training director Marc Velasco at Philippine Olympic Committee (POC) president Abraham Tolentino para magbigay ng anumang pangangailangan ng mga atleta.

Tiwala rin si Ramirez na sa 19 na mga manlalaro ng bansa ay malaki ang tsansa ng bansa na makakuha ng gintong medalya.