Publiko pinag-iingat ng PSA sa mga pekeng job posting

PINAALALAHANAN  ng Philippine Statistics Authority (PSA) ang publiko na mag-ingat laban sa mga pekeng job posting na kumakalat sa social media gamit ang pangalan ng ahensya.

Ayon sa PSA, t­anging sa kanilang official website sa www.psa.gov.ph/career at verified Facebook pages ng kanilang Central at Field Offices makikita ang opisyal na job vacancies.

Niliwanag ng PSA na libre ang pagsusumite at pagproseso ng aplikasyon, alinsunod sa patakaran ng Civil Service Commission.

Pinapayuhan din ng PSA ang publiko na huwag makipag-ugnayan sa mga indibidwal o grupong nasa likod ng ganitong modus.

Nanawagan ang ahensiya sa publiko na agad ireklamo at i-report sa info@psa.gov.ph. ang nalalamang modus hinggil sa nabanggit na pekeng job posting.