• July 13, 2024
  • Ang Diyaryong Pinagkakatiwalaan

Requests, proposals ng Estados Unidos ukol sa EDCA, kasalukuyang sinusuring mabuti-PBBM

NIREREPASO ngayong mabuti ng Malakanyang ang “requests at proposals” ng Estados Unidos  kaugnay sa  Enhanced Defense Cooperation Agreement (EDCA).

 

 

Binanggit ito ng Chief Executive sa isang event sa Quezon City nang tanungin ukol sa nirerepasong Mutual Defense Treaty,  isang 70-year-old accord na nag-aatas sa Estados  Unidos na idepensa ang Pilipinas mula sa anumang pagsalakay.

 

 

“Well, the Mutual Defense Treaty is continuously under negotiation and under evolution. I always call it… it’s an evolution because things are changing. The request — there have been many requests and proposals from the Americans, especially under EDCA,” ayon kay Pangulong  Marcos.

 

 

“So all of that is under study now to see what is really feasible and what will be the most useful for the defense of Philippine territory,” dagdag na wika nito sabay sabing  “By early next year, we will have something more concrete to tell you.”

 

 

Taong 2014 nang tintahan ang Enhanced Defense Cooperation Agreement (EDCA) sa pagitan ng Amerika at Pilipinas.

 

 

Mas madali nang makapapasok ang US military sa bansa matapos lagdaan ang 10-taong kasunduan, na pinaniniwalaang pangontra sa panghihimasok ng Chinese forces sa West Philippine Sea.

 

 

Pinangunahan ni dating  Defense Secretary Voltaire Gazmin at U S Ambassador to the Philippines Philip Goldberg ang paglagda sa kasunduan sa Camp Aguinaldo, Quezon City higit tatlong oras bago ang pagdating ni Obama sa Ninoy Aquino International Airport bilang bahagi ng kanyang pagbisita sa iba’t ibang bansa sa Asia.

 

 

Sa ilalim ng Enhanced Defense Cooperation Agreement, makapapasok ang puwersa ng Amerika sa piling kampo ng Armed Forces of the Philippines kung saan maaring ipuwesto ang mga fighter jet at barko de giyera nito.

 

 

Batay sa kasunduan, madadagdagan ang training opportunities ng dalawang panig, masusuportahan din ang modernization ng AFP at matutulungan itong matutukan ang maritime security, domain awareness at maging ayuda sa disaster relief capabilities ng bansa.

 

 

Base pa rin sa kasunduan, ang pananatili ng puwersa ng Amerika sa Pilipinas ay temporary at rotational basis. (Daris Jose)

Other News
  • 3 kulong sa cara y cruz at shabu sa Valenzuela

    TIMBOG ang tatlong kalalakihan, kabilang ang 64-anyos na lolo matapos maaktuhan ng mga pulis na naglalaro ng illegal na sugal kung saan isa sa kanila ang nakuhanan pa ng shabu sa Valenzuela City.       Sa report ni PMSg Carlito Nerit Jr. kay Valenzuela police chief P/Col. Nixon Cayaban, nakatanggap ng impormasyon mula sa […]

  • Tradisyunal na pagtitipon, bawal muna – QC LGU

    LIMITADO na ngayon ang tradisyunal na mga pagtitipon sa lungsod Quezon.     Ito ay dahil ipinagbabawal na ng lokal na pamahalaan  ang iba’t ibang uri ng malakihang mga pagtitipon sa lungsod upang maiwasan ang paghahawaan ng COVID-19.     “Dahil inaasahan na natin ang mga pagtitipon sa mga piyesta, Chinese New Year at iba […]

  • PBBM, hangad na makapagpatayo ng mas maraming barangay health centers

    HANGAD ni Pangulong Ferdinand Marcos Jr. na makapagpatayo pa ng mas maraming health centers sa  mga rural area.     Inihayag ng Pangulo ang plano niyang ito habang nagsasagawa ng pag-inspeksyon sa disenyo ng pasilidad na tinawag na “Clark Multi-Specialty Medical Center” sa Pampanga.     Layon ng proyekto na magdala ng specialized healthcare sa […]