Reyes suportado si Leni Robredo bilang pangulo
- Published on April 20, 2022
- by @peoplesbalita
NAKAKUHA ng suporta si Vice President Leni Robredo sa isa pang coach ng Philippine Basketball Association sa katauhan ni Gilas Pilipinas mentor at five-time PBA Coach of the Year Chot Reyes.
Kilala sa paggamit ng terminong “Puso” sa kampanya ng national team sa iba’t ibang international tournament, iginiit ni Reyes sa isang pahayag na ang dapat na susunod na pangulo ay may puso para sa bansa at taumbayan gaya ni Robredo.
Si Reyes ang ikalawang PBA coach na nagpahayag ng suporta kay Robredo, kasunod ni NLEX mentor at dating Pampanga congressman Yeng Guiao.
“Puso ay ang pagmamahal sa bayan na nakikita sa mga gawaing nakakaangat ng buhay ng ating mga kababayan,” wika ni Reyes, na nagsabing patuloy ang Bise Presidente sa pagtugon sa mga problema ng bansa sa kabila ng mga hamon.
“Puso means not giving up no matter the odds are. Pabagsakin, at pilit mang siniraan, nagpatuloy pa rin sa pagtugon sa mga suliranin ng bansa. Mapa bagyo, lindol, sakuna, pandemic, anuman ang problema, nariyan siya, agad ang pagtulong,” dugtong pa niya.
Dahil sa malinis na track record ni Robredo, sinabi pa ni Reyes na nakatitiyak ang mga Pilipino ng mahusay, malinis at tapat na pamumuno sa ilalim ng isang lider na palaging handang maglingkod.
Ayon kay Reyes, buong pagmamalaki niyang kakatawanin ang bansa sa mga torneo kapag nanalo si Robredo bilang pangulo sa halalan sa Mayo.
“Ako si Chot Reyes, buong pusong lalaban at tataya para kay Leni Robredo,” pagtatapos ni Reyes.
-
Peoples Empowerment Act, inaprubahan sa huling pagbasa
Inaprubahan sa huling pagbasa ang mga mahahalagang panukala kabilang na ang House Bill 7950 o ang “People’s Empowerment Act.” Sa botong 217-0, at anim na abstensyon, layon ng panukala na itatag ang sistema ng pakikipagsosyo sa pagitan ng mga lokal na pamahalaan at mga civil society organizations (CSOs) sa pamamagitan ng pagtatatag ng People’s […]
-
Bakunang Sinovac: hindi puwedeng ipagamit ang second dose ng mga nabigyan ng first dose para sa mga nag-aapurang mabakunahan – PDu30
SINABI ni Pangulong Rodrigo Roa Duterte sa mga taong nagmamadaling mabakunahan kontra Covid -19 na hindi maaaring galawin o ipagamit ang second dose na nakalaan sa mga taong nabigyan na ng first dose ng bakuna na Sinovac. Ginamit ng Pangulo ang paliwanag ni Health Secretary Francisco Duque III na ang interval ng first at […]
-
Umabot sa P15 million ang natangay ng scammer: SOFIA, isa sa 100 Pinoy Swifties na nabudol sa “The Eras Tour”
HIGIT na 100 Pinoy Swifties ang nabudol sa pagbili ng tickets para sa “The Eras Tour” concert ni Taylor Swift na gagawin sa Singapore. Umabot sa P15 million ang natangay ng scammer sa mga Pinoy fans ni Taylor Swift. Kabilang na rito ay ang Sparkle Teen star na si Sofia Pablo. […]