• July 13, 2024
  • Ang Diyaryong Pinagkakatiwalaan

Sa isang episode ng ‘Running Man PH’: KOKOY, muntik na talagang mag-backout sa sobrang takot

MUNTIK na palang atrasan ni Kokoy de Santos ang isa sa mga race ng ‘Running Man Philippines Season 2’ dahil sa pagiging matatakutin nito. 

 

 

Sa trailer kasi ay ipinakita na pumasok sa tila isang horror house ang pitong runners na sina Kokoy, Glaiza de Castro, Angel Guardian, Lexi Gonzales, Buboy Villar at Mikael Daez at ang pinakabagong runner na si Miguel Tanfelix.

 

 

At kuwento ni Kokoy, “Nakita niyo naman po yung episode na may horror, talaga naman pong hindi ko makakalimutan kasi gusto ko na pong mag-backout talaga.

 

 

“Isa po iyan sa mga kinatatakutan ko. Actually dalawa yan, rides tsaka horror. Yung rides nilagay nila ng Season 1 yung horror nilagay ng Season 2.

 

 

“So talagang parang ayaw nila akong mabuhay e,” at natawa si Kokoy.

 

 

“Pero iyon, sobrang ano naman yun, sabi ko nga kundi dahil sa Running Man hindi ko din mae-experience yung ganung klaseng production number, talagang iba yung production design na… nilalagay ko sa kukote ko, paulit-ulit nung nag-i-start yung race na yun, set-up lang ‘to, trabaho lang ‘to… pero hindi parang ayoko rin talagang ituloy, e!

 

 

“Pero iyon lang talaga, sabi nga ni Boss G [Glaiza], sabi dun sa kanta namin [Running Man theme song], ‘Go lang nang go!’

 

 

“Iyon.”

 

 

Kaabang-abang ang Season 2 ng ‘Running Man Philippines’ dahil special guest dito sina Sandara Park, Nancy McDonnie at Haha ng Running Man Korea!
Guest rin sina Josh ng SB19, Unis members Gehlee at Elisa, Pinoy athletes Eric “Eruption” Tai and Mark Striegl, award-winning actress Alessandra de Rossi, at Kapuso stars Rochelle Pangilinan, Herlene Budol, Paul Salas, Archie Alemania, Michael Sager, at Bianca Umali, at ang Season 1 Original Pinoy runner na si Ruru Madrid.
Napapanood na ito tuwing Sabado at Linggo.

***

 

 

AND speaking of katatakutan, nakakita na pala ng multo sa tunay na buhay si Krissha Viaje!

 

 

Si Krissha mismo ang nagkuwento nito, na noong bata pa raw siya ay nakatira sila sa isang bahay sa Quezon City.

 

 

Dalawa raw ang kuwarto sa bahay nila, sa isang kuwarto ay doon siya natutulog kasama ang mommy niya at brother niya. Sa kabilang kuwarto naman ay naroroon ang sister ni Krissha at lola niya.

 

 

Isang gabi raw ay lumipat sa kuwarto nila ang sister niya at doon nakitulog.

 

 

“E ang sikip na namin, e solo yung bed niya sa kuwarto ng lola ko, tig-isa sila ng lola ko. E kami isang kama lang.

 

 

“So sabi ko ‘Sige dun na lang ako matutulog sa kuwarto mo, ako na lang sa kama mo.’

 

 

“So hindi ko alam kung anong oras na, naalimpungatan ako, nakakumot ako, nakita ko nandun siya sa paanan  ko.

 

 

“Buhok niya yung nakita ko, ‘Akala ko matutulog ito sa kabila? Lumipat pa dito e masikip na nga.’

 

 

“So natulog ako ulit. Paggising ko sa umaga wala na naman siya dun. Pumunta ako sa kabilang kuwarto kasi medyo kinabahan din ako.

 

 

“Kasi sure ako e, may nakita akong ulo sa paanan ko.”

 

 

At ang shocking, noong nakausap na ni Krissha ang kapatid niya ay sinabi nitong never raw itong bumalik sa kuwarto nila ng lola niya para tabihan si Krissha!

 

 

Kaya relate si Krissha sa katatakutang serye nila ni Jerome Ponce, ang ‘Sem Break’ ng Viva One.

 

 

Bukod kina Krissha (bilang si Mich) at Jerome (bilang si Arlo) ay nasa cast rin ng Sem Break sina Aubrey Caraan (bilang Cora), Hyacinth Callado (bilang Jessie), Gab Lagman (bilang Pipo), Keann Johnson (bilang Timmy), at sina Dani Zee, Rose Van Ginkel at Felix Roco.

 

 

Sa direksyon ni Roni S. Benaid, ang season premiere nito sa Viva One ay nagsimulang umere noong May 10, may fresh episode tuwing Biyernes.

(ROMMEL L. GONZALES) 

Other News
  • Tan pinagpapaliwanag ng GAB

    Pinagpapaliwanag ng Games and Amusements Board (GAB) si Glutagence head coach Justin Tan sa umano’y hindi pagbabayad sa ilang players nito na nag­laro sa Women’s National Basketball League.     Nagpadala na ng sulat ang GAB na pirmado ni GAB Pro Sports Division chief Dioscoro Bautista para hingan ng paliwanag si Tan.     Mayroon […]

  • Torralba masasandalan sa opensa, sa depensa

    Hindi lang sa open sa pambato si Joshua Torralba kundi sa depensa rin pagdating sa isang larong basketbol.     Kabilang ang 27 anyos at may taas na 6-2 swingman sa 97 aspirante sa Online 36th Philippine Basketball Association (PBA) Draft 2021 sa Marso 14 at dumadalanging matapik upang makakayod sa 46th PBA Philippine Cup […]

  • Gadgets na inisyu sa mga guro, ‘di binabawi ng DepEd

    PINABULAANAN  ng Department of Education (DepEd) sa National Capital Region (NCR) na inutusan nila ang mga guro na ibalik ang mga ibinigay nilang gadgets para sa distance learning.     Ito ang inihayag ni DepEd Spokesman Michael Poa bilang reaksyon sa pahayag ng Alliance of Concerned Teachers (ACT) na nagsabing  ipinababalik nila (DepEd) ang mga […]