• July 20, 2024
  • Ang Diyaryong Pinagkakatiwalaan

Senador inaaral ang dagdag sweldo kasunod ng P33k minimum wage calls sa gov’t workers

PANAHON na raw upang i-review ang posibilidad ng dagdag sweldo para sa mga kawani ng gobyerno ayon kay Sen. Ramon “Bong” Revilla, ito habang nananawagan ng umento ang mga manggagawa dahil sa nagtataasang presyo ng bilihin.

 

 

Natataon angĀ  pahayag ni Revilla sa pagtungtong ng inflation rate sa 7.7% nitong Oktubre 2022, ang pinakamabilis na pagtaas ng presyo ng bilihin sa halos 14 taon.

 

 

“Nararapat lamang na tingnan natin muli kung sapat pa ba ang natatanggap ng mga kawani ng ating gobyerno lalo na at tuloy-tuloy ang pagtaas ng presyo ng mga pangunahing bilihin,” wika ni Revilla, Lunes.

 

 

“Sa susunod na taon, last tranche na ng umento sa sahod nila. Kaya naman dapat nating bisitahin at rebisahin muli ito.”

 

 

Kamakailan lang nang manawagan ang government workers ng P33,000 minimum wage sa pangunguna ng Confederation for Unity, Recognition and Advancement of Government Employees (COURAGE), bagay na dapat daw gawin upang mailapit ang sweldo sa “family living wage.”

 

 

Nobyembre 2022 lang nang sabihin ng IBON Foundation na P1,133/araw o P24,632/buwan ang naestima nilang kailangang sahod para mabuhay nang “disente” ang pamilyang lima ang miyembro.

 

 

Pero ayon sa National Wages and Productivity Commission, nasa hanggang P570/araw lang ang minimum wage sa Metro Manila. Ito ang pinakamataas sa Pilipinas.

 

 

Una nang hiningi ni Revilla, na chairperson ng Senate Committee on Civil Service, Government Reorganization and Professional Regulation, ang komento ng Department of Budget and Management (DBM) kaugnay ng umento sa sahod

 

 

Tugon ng DBM, kakailanganin ng bata mula sa Konggreso para maitaas ang kasalukuyang bayad sa mga kawani ng goberno.

 

 

Kung lalabas daw na “feasible” ang panibagong wage hike, ipapangako raw ni Revilla na maghahain uli siya ng panukalang batas para rito. Matatandaang inakda at sponsor ang senador ng Salary Standardization Law of 2019.

 

 

“If tax is the lifeblood of our economy, government workers are the backbone of our bureaucracy,” dagdag pa niya.

 

 

“Our government is only as strong and effective as the people who work in it. Kaya suportahan natin sila sa pamamagitan ng pagwasto sa sweldo nila na akma at napapanahon.”

 

 

Una nang inihain ni Revilla ang Senate Bill No. 1406 upang taasan ang Personnel Economic Relief Allowance (PERA) na ibinibigay sa government employees.

 

 

Ang PERA ay subsido sa lahat ng government workers bilang tulong sa gitna ng kagipitan.

 

 

“Unfortunately, with the worsening economic conditions brought about by the COVID-19 pandemic and the skyrocketing prices of basic commodities and gasoline, I believe the current amount at P2,000 is already insufficient and needs to be adjusted,” wika pa ni Revilla.

 

 

Kung maisasabatas, itataas sa P4,000 ang economic relief allowance mula sa P2,000. (Daris Jose)

Other News
  • DOTr: MM subway 2025 pa ang partial opening

    PINAHAYAG ng Department of Transportation (DOTr) na ang partial opening ng Metro Manila Subway project ay nalipat sa 2025 dahil sa mga challenges na dinulot ng pandemyang COVID-19 sa bansa.       Sinabi ni DOTr Secretary Arthur Tugade na ang targetedĀ  partial opening ng Metro Manila Subway ay sa 2025 habang ang buong operasyon […]

  • 2 Grab driver timbog sa P272K shabu sa Valenzuela

    Kulong ang dalawang Grab driver na sangkot umano sa pagbebenta ng ilegal na droga matapos makuhanan ng halos P.3 milyon halaga ng shabu sa isinagawang buy bust operation ng pulisya sa Valenzuela City, kahapon ng madaling araw.     Kinilala ang mga naarestong suspek na si Richard Nicolas, 42, Grab driver ng 17 E. Guniguni […]

  • Blended learning sa maliliit na pribadong paaralan sa NCR, nasa kamay na ng IATF: DepEd exec

    Nasa kamay na ng COVID-19 task force ng pamahalaan ang blended learning sa mga pribadong paaralan sa Metro Manila na may maliliit na populasyon ng mga mag-aaral, ayon sa Department of Education nitong Miyerkoles.   Nang tanungin kung bukas ang DepEd sa pagpayag sa blended learning at ilang face-to-face interactions sa mga naturang paaralan, sinabi […]