Simon, Thoss, Carey goodbye PBA na

SWAN song na nina Peter June Simon at Joachim Gunther ‘Sonny’ Thoss ang Philippine Cup ng 45th Philippine Basketball Association (PBA) 2020 Philippine Cup sa Linggo, Marso 8 sa Araneta Coliseum.

Magre-retiro na ang dalawa pagkatapos ng nasabing season-opening conference ng professional cage league.
Tungtong sa edad na 40 taong-gulang na sa darating na Hunyo ang combo guard na si Simon, nag-38-anyos na nitong Disyembre ang sentro ng Alaska Milk na si Thoss.

Sa buong PBA career nila, hindi nagpalit ng uniporme ang mga ito – si Simon sa Purefoods franchise, at si Thoss sa Aces ni Wilfred Steven Uytengsu, Jr.

Produkto ang tubong Makilala, Cotabato na si Simon ng University of Mindanao, tinapik ng Sta. Lucia Realtors na 45th pick sa 2001 PBA Draft bago pinamigay sa Magnolia-Purefoods.

Sa matibay na pulso, binalikat niya ang Purefoods franchise sa walong kampeonato, naging eight-time All-Star at 2008 All-Star Game MVP at nag-2019 3-Point Shootout King.

Naging fifth pick naman ng gatas si Thoss noong 2004, sa panahon ni coach Earl Timothy Cone na ang triangle offense nila nagkaloob sa kanila ng tatlong trono.

Mula ang 6-foot-7 Fil-German sa James Cook University, na nag-Finals MVP sa championship run ng Alaska sa 2013 Commissioner’s Cup, two-time Mythical First Team memebre at 12-time All-Star.

Balak ng Aces na i-retire na ang jersey No. 7 ni Thoss sa final game sa eliminations sa Mayo 16 kontra Magnolia. Wala pang plano ang Magnolia kay Simon.

Huling taon na rin ni Harvey Carey ng Talk ‘N Text ang papasok na season ng liga.

Isasabit na rin ng 6-3 forward ang kanyang jersey tapos ng 17 seasons na lahat ay sa KaTropa lang. Napatanyag sa depensa ang Fil-Am na si Carey, 40, na may pitong titulo sa TNT sa team na kumalabit sa kanya bilang fourth pick overall sa2003 Draft.