SOKOR National na wanted sa illegal online gambling, inaresto ng BI

INARESTO ng Bureau of Immigration (BI) ang siang puganteng South Korean national na wanted sa kanilang bansa dahil sa pagkakasangkot sa llegal online gambling.

Sinabi ni BI Commissioner Jaime Morente na si Choi Sungsun, 33, ay inaresto sa kanyang tinutuluyan sa San Juan City ng mga operatiba ng bureau’s fugitive search unit (FSU) at Criminal Investigation and Detection Group (CIDG).

Ang pagkakaaresto kay Choi ay bunsod sa mission order na inisyu ni Morente matapos ipaalam ng mga awtoridad ng South Korean na ang suspek ay nagtatago sa bansa.

Ayon naman kay BI FSU Chief Bobby Raquepo, si Choi ay kasama sa Interpol red notice na inisyu noong August 11, matapos nag-isyu ang Busan court ng warrant of arrest laban sa kanya.

Si Choi ay kinasuhan ng fraud sa korte sa kanilang bansa dahil sa pago-operate ng illegal gambling sites sa internet at nagtayo rin ng private online gambling sites sa Pilipinas.

Ang suspek ay kasalukuyang nakadetine sa CIDG habang hinihintay ang resulta ng kanyang COVID-19 swab test.

“He will be sent back to South Korea after the BI board of commissioners issues the order for his summary deportation. Afterwards he will be blacklisted and banned from re-entering the Philippines.” ayon kay Morente. (Gene Adsuara)