• July 13, 2024
  • Ang Diyaryong Pinagkakatiwalaan

Standhardinger paaastigin si Holmqvist sa Gin Kings

KARAMIHAN marahil sa mga kumakarir sa basketbol, gustong mapunta sa Barangay Ginebra San Miguel kapag nag-propesyonal na o mag-Philippine Basketball Association (PBA).

 

 

Isa na riyan si Ken Holmqvist.

 

 

Mas mapalad nga lang ang 26 na taong gulang na Filipino-Norwegian sa ibang kapwa basketbolista dahil napagbigyan ang kanyang inaasam.

 

 

Sa virtual 36th PBA Draft 2021 noong Linggo, Marso 12, unang inanunsyo ni BGSM coach Earl Timothy Cone ang pangalan ng 6-8 slotman bilang first round, 12th overall pick ng Gin Kings.

 

 

Magkasunod sina Holmqvist at Fil-American Brian Enriquez na first pick at second round, 13th overall na kinuha ng crowd darlings.

 

 

Silang dalawa lang ang mga kinuha ng alak sa sa draft na kinapalooban ng 86 aplikante at 65 ang mga binunot ng 12 koponan. Nag-pass na ang Ginebra sa third round.

 

 

Makakapareha ni Holmqvist si Fil-German Christian Standhardinger na bagong salta lang din sa team pero magiging mentor niya. Galing si C-Stan sa NorthPort Batang Pier via trade kay Gregory William Slaughter.

 

 

Namamalagi na sa ‘Pinas si Holmqvist, pero naisipang umuwi ng Norway noong 2016. Ilang taon ang nakalipas, bumalik ng bansa at natupad na ang pangarap.

 

 

“I’m really happy to be picked by Ginebra,” bigkas ni Holmqvist na lumaro dati sa Far Eastern University Tamaraws sa University Athletic Association of the Philippines (UAAP).

 

 

“That’s exactly where I wanted to go,” panapos na wika nang magiging isa  sa pangunahing piyesa ng new-look frontline ng Kings.

 

 

Ang iba pang malalaking makakapareho niya sa Gins ay sina Prince Caperal at Japeth Paul Aguilar. Kadarating lang din ni Standhardinger mula NorthPort sa one-on-one swap kay Greg Slaughter.

 

 

Aabangan ng Opensa Depensa ang ‘binyag’ ni Holmqvist sa liga na planong magbvukas ng 46th season Philippine Cup 2021 sa Abril 18 sa Ynares Center sa Antipolo City.

Other News
  • Sen. Drilon, mali ang obserbasyon sa ginagawang Marawi rehab ng TFBM

    PINALAGAN ni  Task Force Bangon Marawi (TFBM)  Chairman at Department of Human Settlement and Urban Development Sec. Eduardo del Rosario ang naging pahayag ni Senator Franklin Drilon na kailangan umano ng additional fund para  matiyak na matatapos sa 2021 ang Marawi Rehabilitation.   Sinabi  kasi  ni Senador Drilon na “grossly inefficient” at halos nakaasa lamang […]

  • DepED, ipinag-utos sa mga eskuwelahan na magsagawa ng mandatory unannounced earthquake, fire drills

    IPINAG-UTOS ng Department of Education (DepED) sa lahat ng  public schools na magsagawa ng “unannounced earthquake at fire drills” para makatulong na pataasin ang kamalayan ng mga mag-aral at personnel ukol sa kung ano ang dapat gawin kapag may nangyaring natural calamities.     Nilagdaan ni  Vice President at Education Secretary Sara Z. Duterte, ang […]

  • Ads September 11, 2020