STEVE HARVEY, pinalitan nina MARIO LOPEZ at OLIVIA CULPO para mag-host ng ‘69th Miss Universe’

HINDI si Steve Harvey ang maghu-host ng 69th Miss Universe pageant sa Miami, Florida.

Ito ang unang pagkakataon na nagpahinga sa kanyang pag-host ng Miss Universe si Harvey.

Nakatatak na sa utak ng maraming pageant fans ang pangalang Steve Harvey dahil sa pag-announce nito ng maling Miss Universe winner noong 2015.

In-announce nito ang name ni Miss Colombia Ariadna Gutierrez imbes na si Miss Philippines Pia Wurtzbach. 

In-announce ng Miss Universe Organization na sina Mario Lopez at Miss Universe 2012 Olivia Culpo ang mga magiging hosts this year.

“Mark your calendars – Access Hollywood’s @mariolopezviva and actress and model @oliviaculpo will host this year’s Miss Universe competition,” tweet ng MUO.

Hindi na bago sa pag-host ng Miss U pageant ang dalawa. Lopez has already co-hosted in 2007, while Culpo, co-hosted the pageant’s 68th edition along with Vanessa Minnillo Lachey and Harvey in 2019.

In the Philippines, ABS-CBN will bring the live telecast of the 69th Miss Universe via the A2Z channel on May 17 (Monday), starting at 8 a.m., with a replay at 10:30 p.m.

***

FIRST time na gumawa ng romcom teleserye si Julie Anne San Jose via GMA’s Heartful Cafe.

Sa naturang teleserye, may pagka-kikay ang character ni Julie na si Heart Fulgencio. Malayo raw sa mga naging drama roles niya noon sa TV tulad sa Pinulot Ka Lang Sa Lupa, My Guitar Princess at Buena Familia. 

“Before kasi puro iyak at pag-aapi ang ginagawa sa akin sa teleserye. Now medyo iba. More fun ang character ko. So different from what I am doing on TV.

“Acting as Heart is different from singing or hosting kasi on stage dapat eksakto sa kailangan sa iyo. Sa Heartful Café, mas kenkoy at mas natural, mas okay.”

Hindi naman nalalayo ang similarities nila Julie at Heart pagdating sa personality.

“Si Heart at si Julie, parehong masayahing tao. Gusto nila na may napapasayang tao. Hard-working at serious sa craft. Easy-going lang siya. Naa-apply ko ‘yung kakulitan ko dito na not everybody knows po.”

Si David Licauco ang partner ni Julie sa Heartful Cafe na umaming matagal na itong may crush sa kanya.

***

MULA raw nang tanghalin siyang Protégé Grand Champion noong 2012, sunud-sunod na ang acting projects ni Kapuso artist Thea Tolentino.

Kaya naman, thankful siya sa GMA Network dahil kahit na may pandemic, hindi nito pinabayaan ang kaniyang career.

“Sobrang swerte ko and sobrang happy ako na mula noong nanalo ako sa Protege, sunud-sunod ‘yung mga naging projects ko. Talagang mas nahasa ko pa ‘yung craft ko, iba pa rin ‘yung nagagamit mo ‘yung natutunan mo and skills mo sa trabaho mismo and sobrang thankful ako sa GMA for always trusting me with very amazing shows and roles. Sobrang blessed!”

Isa si Thea sa mga bibida sa upcoming GMA drama series na Las Hermanas kung saan makakatrabaho niya ang beteranong aktor na si Albert Martinez at mga kapwa Kapuso stars na sina Yasmien Kurdi at Faith Da Silva. 

Naging parte rin siya ng successful GTV primetime soap na The Lost Recipe.  (RUEL J. MENDOZA)