Technician nakaligtas sa pamamaril ng kapitbahay
- Published on February 18, 2020
- by @peoplesbalita
NAGAWANG makaligtas ng isang 27-anyos na technician sa kamatayan nang mailagan nito ang pamamaril ng kapitbahay na pumasok sa kanyang bahay sa Malabon City, kamakalawa ng gabi.
Sa imbestigasyon ni PEMSgt. Julius Mabasa, alas-9:10 ng gabi, kasama ng biktimang si Kenneth Ordoña, technician ng Globe Telecom Company ang room mates na si George Payton at Louie Dela Cruz, kapwa 29-anyos na nanonood ng television sa kanyang bahay sa Blk 4 Damata St. Letre, Brgy. Tonsuya nang biglang pumasok ang suspek na si Pedro Repol 43, plumber, na armado ng baril saka pinutukan si Ordoña subalit, hindi tinamaan.
Muling pinaputukan nang malapitan ng suspek ang biktima na nagawa namang makailag kaya hindi ito tinamaan.
Bago muling makapaputok ang suspek ay nagawa itong masunggaban nina Payton at Dela Cruz na naging dahilan upang humingi ng tulong sa mga pulis ang biktima.
Agad namang rumesponde ang mga tauhan ng Malabon Police Community Precinct (PCP) 8 na nagresulta sa pagkakaaresto sa suspek at narekober sa kanya ang isang 9mm revolver na kargado ng dalawang basyo ng bala at dalawang deformed bullets.
Ayon kay Malabon police chief P/Col. Jessie Tamayao, inaalam pa nila ang tunay na motibo sa tangkang pagpatay. (Richard Mesa)
-
DOH, NAGLABAS NG CIRCULAR PARA SA HOLIDAY SEASON
NAGLABAS na ang Department of Health (DOH) ng Department Circular (DC) No. 2020-0355 o ang Reiteration of the Minimum Public Health Standards for COVID-19 Mitigation ngayong Holiday season. Ito ay upang bigyang gabay ang publiko kung paano panatilihin ang minimum public health standards sa panahon ng holidays at masiguro ang kalusugan at kaligtasan ng […]
-
HTAC hugas-kamay sa nasayang na 31M COVID bakuna
NAGLABAS ng pahayag ang Health Technology Assessment Council (HTAC) matapos ibunton ni Iloilo Rep. Janet Garin ang sisi sa kanila sa nasayang na 31 milyong dose ng COVID-19 vaccine na nagkakahalaga ng P15.6 bilyon. Base sa pahayag ni Garin, bawat desisyon umano ng Department of Health (DOH) ay dadaan muna sa HTAC, na […]
-
Wish ni Duterte sa kanyang 77th b-day: ‘To have a clean, fair, honest election’
MAY KINALAMAN sa darating na May 9, 2022 elections ang wish ni Pangulong Rodrigo Duterte sa kanyang 77th birthday bukas, March 28. Ito ay ang hangarin na magkaroon ng malinis at patas na halalan sa Mayo ayon sa Malacanang. Dagdag ni acting Presidential Spokesperson Martin Andanar, magiging simple at tahimik na […]