• January 22, 2025
  • Search in People's Balita

  • Ang Diyaryong Pinagkakatiwalaan

 

Tinanggihan ang offer na new timeslot: ‘It’s Showtime’, babu sa TV5 at lilipat na sa GTV sa July 1

NAGLABAS na ng official statement ang ABS-CBN sa pagtatapos ng kontrata ng “It’s Showtime” sa TV5 sa June 30 at uukupahin na ang noontime slot ng bagong show ng TVJ.
“Taos-pusong nagpapasalamat ang ABS-CBN kay TV5 Chairman Manny Pangilinan para sa kanyang pagsuporta sa ABS-CBN at sa paghahatid ng “It’s Showtime” sa mas maraming manonood sa pamamagitan ng aming content partnership,” simula ng statement.
“Dahil sa bagong programming ng TV5, ikinalulungkot naming ibalita na hindi na mapapanood ang “It’s Showtime” sa TV5 simula 1 July 2023.
“Sa loob ng labing-apat na taon, walang patid na saya ang hatid ng “It’s Showtime” sa Madlang People sa loob at labas ng bansa. Pinahahalagahan namin ang magandang samahan na nabuo namin sa mga manonood tuwing tanghali. Dahil dito, minabuti  naming  tanggihan  ang 4:30 pm time slot na inalok ng TV5 para sa programa,” pagpapatuloy pa.
May maganda naman silang balita sa bandang huli ng statement, “Tinitiyak namin sa mga manonood ng “It’s Showtime” na patuloy nilang mapapanood ang kanilang paboritong noontime show sa A2Z, Kapamilya Channel, Kapamilya Online Live, iWantTFC, at TFC mula Lunes hanggang Sabado ng 12 ng tanghali.
“Lubos ang aming pasasalamat sa GTV Channel ng GMA at nakahanap ng isa pang tahanan ang “It’s Showtime.”
“Simula 1 July 2023, mapapanood na rin ang “It’s Showtime” sa GTV mula Lunes hanggang Sabado ng 12 ng tanghali. G na G na tayo, Madlang People!
“Maraming, maraming salamat sa mga manonood na nagmamahal at sumusuporta sa “It’s Showtime” at sana ay patuloy kayong mapasaya ng aming programa.”
Sa IG post naman ni Vice Ganda, mababasa ang caption niya na, “tara na! G na G na kami!”
Marami namang natuwa sa naturang pangyayari dahil parang Kapuso na raw ang noontime show nina Vice.  Kaya wish nila na ay mag-guest ang mga Kapuso stars, lalo na pagsisimula sa July 1.
Marami naman ang advance mag-isip, na kapag tapos sa 2025 ang kontrata ng TAPE Inc. sa GMA bilang blocktimer ay baka sa “It’s Showtime” na ito ibigay.
Pag  nagkatotoo ito, muling magbabakbakan sa  noontime slot ang bagong TVJ show at show nina Vice Ganda.
Sa ngayon, aabangan  na lang natin ang pamamaalam nila sa TV5 sa June 30 at ang pasabog nilang episode sa July 1 bilang pagpasok ng grupo sa bago nilang dagdag  na tahanan, ang GTV.
(ROHN ROMULO)
Other News

  • Speaker Romualdez, Tingog Party-list, DSWD sanib-puwersa sa pagtulong mga drayber, estudyante sa Bulacan

    PINANGUNAHAN ni Speaker Ferdinand Martin Romualdez ang pamamahagi ng tulong pinansyal sa may 2,000 drayber at mag-aaral sa Bulacan nitong Miyerkules.     Ang pamimigay ng tulong ay natupad sa tulong ni Pangulong Bongbong Marcos na makapagbigay ng magandang serbisyo sa publiko sa pamamagitan ng Assistance to Individuals in Crisis Situations (AICS), isang programa ng […]

    read more

  • PBBM, ipinag-utos ang pagkumpleto sa water-related projects sa April 2024

    SINABI ni Pangulong Ferdinand R. Marcos Jr. na ipinag-utos niya sa mga  kinauukulang ahensiya ng gobyerno na kompletuhin ang  water-related projects sa April 2024 bilang paghahanda para sa epekto ng El Niño phenomenon.     Sa isinagawang ina inagurasyon ng Balbalungao Small Reservoir Irrigation Project (BSRIP) sa Lupao, Nueva Ecija, winika ng Pangulo ang pamgangailangan […]

    read more

  • Na-stun ni Carlo Paalam ang top seed para makakuha ng ginto sa Asian Elite boxing

    MULI ang OLYMPIAN na si Carlo Paalam para sa Pilipinas, na nasungkit ang ginto sa men’s 54 kg class ng ASBC Asian Elite Men and Women’s Boxing Championships na nagtapos noong Sabado sa Amman, Jordan.   Ang Tokyo Olympics silver medalist ay pinalo ng split decision laban sa top seed na si Makhmud Sabyrkhan ng […]

    read more
People's Balita.
All rights reserved. © Copyright 2025.