• March 29, 2024
  • Ang Diyaryong Pinagkakatiwalaan

Travel ban sa Indonesia inutos ni Duterte

Inaprubahan na ni Pangulong Rodrigo Duterte ang travel ban sa Indonesia dahil sa patuloy na pagtaas ng kaso ng mas nakakahawang Delta variant doon.

 

 

Ang travel ban sa Indonesia ay magsisimula ng 1 AM araw ng Huwebes at magtatapos hanggang sa Hulyo 31.

 

 

Lahat ng may biyahe mula sa Indonesia sa nakalipas na 14-araw ay hindi papasukin sa Pilipinas.

 

 

Habang ang mga pasahero na naka-transit na galing sa naturang bansa at lahat ng mga paparating na naririto na bago mag-12:01 ng Hulyo 16 ay papasukin sa bansa subalit kailangan nilang sumailalim sa 14-day facility quarantine at kailangan din sumailalim sa negative RT-PCR test.

 

 

Una nang pinalawig ang travel ban hanggang Hulyo 31 sa India, Pakistan, Bangladesh, Sri Lanka, Nepal, United Arab Emirates, at Oman na kinakitaan din ng pag-atake ng Delta variant.

 

 

Kasalukuyang nakararanas ang Indonesia ng ‘surge’ dahil sa Delta variant. Nitong Martes, record-high na 47,899 bagong kaso ng COVID-19 ang na­itala sa naturang bansa dahilan para magkaroon na ng kakapusan sa suplay ng oxygen sa naturang bansa.

 

 

Nais ng Pilipinas na maiwasan ang kahalintulad na krisis sa Indonesia makaraang makapagtala na ng 19 na kaso ng Delta variant ang bansa na pawang mga biyaherong Pilipino. (Daris Jose)

Other News
  • 28 jeepney routes muling binuksan

    MAY mahigit na 1,100 public utility jeepney (PUJs) ang babalik sa kalsada upang pumasada at magkaron ng operasyon ngayon panahon ng pandemya ng mabigyan ng pagkakataon ang mga pasahero ng mas madaming masasakyan.   Sa ilalim ng Land Transportation Franchising and Regulatory Board (LTFRB) Memorandum Circular 20-046, may kabuohang 1,159 na traditional jeepneys na may […]

  • Groundbreaking ng Proyektong Kakaiba sa Valenzuela, pinangunahan ni WES

    ISINAGAWA ng Pamahalaang Lungsod ng Valenzuela sa pangunguna ni Mayor Wes Gatchalian ang groundbreak ng ilang Proyektong Kakaiba, katulad ng New Valenzuela City Emergency Hospital (VCEH) – Multi-level Parking Building, New Annex Building, Rehabilitation ng Main Building na matatagpuan sa Brgy. Dalandanan, at ang New and Improved Valenzuela City Central Kitchen (NIVCCK) sa Brgy. Malinta, […]

  • Phivolcs, hindi pa nakikitang may pangangailangan na ilagay sa “higher alert level” ang Bulusan

    HINDI pa nakikita ng  Philippine Institute of Volcanology and Seismology (Philvolcs) ang pangangailangan na itaas ang Bulusan Volcano sa Sorsogon sa Alert Level 2 sa kabila ng panibagong pagputok, araw ng Linggo.     Sinabi ni Phivolcs Director Renato Solidum, malaki ang posibilidad ng muling pagputok ng bulkan matapos na pumutok ito ng  madaling araw […]