TSERMAN AT ILANG OPISYAL DINAKIP SA SAP
- Published on August 28, 2021
- by @peoplesbalita
DINAKIP ang isang Barangay Chairman at ilang opisyal nito dahil sa reklamong Malversation of Public Funds partikular ang paglustay sa Social Amelioration Program (SAP) at pamemeke ng dokumento.
Ayon sa MPD Public Information Office, alas 9:20 kagabi nang maaresto sa Bagumbayan St. Sta. Mesa, Maynila si Mario Simbulan Ferrales, 73, Chairman ng Bgy 608 Zone 61 District VI at residente ng 217-C Bagumbayan St Sta Mesa.
Naaresto rin ang kasabwat nitong sina Ma.Cristina Zara, 53, Kagawad; Isagani Darilay, 42, Brgy.EX-O at isang John Mark Nagera,24.
Ang nasabing mga indibidwal ay inireklamo dahil sa hindi naibigay na ayuda mula sa SAP ng gobyerno para sa ikalawang quarter na halagang P8,000 ng mga complainants na sina Jerson Ceniza, 30,walang trabaho at Renerio Salabo, 32, store attendant at kapwa mga walang asawa.
Ayon sa impormasyon, sa kabila na nasa listahan ang mga recipient, hindi nila natanggap ang dapat sanang cash aid na kanilang matatamasa.
Narekober sa mga naaresto ang Masterlist ng Beneficiaries at dalawang pekeng identification cards ng mga suspek na nakalagay ang pangalan at address ng mga complainant na inisyu ng Brgy.608.
Ayon kay Capt.Philipp Ines, MPD-PIO Chief , nasa tanggapan ngayon ng SMaRT (Special Mayors Reaction Team) ang mga suspek dahil nasa pamamahala ng Manila Social Welfare Development ang pamamahagi ng naturang cash aid.
Mahaharap sa kasong paglabag sa Art 217 (RPC) Malversation of Public Funds (Social Amelioration Program Funds) at Art 172 Falsification of Public Documents ang mga opisyal ng barangay. GENE ADSUARA
-
Magkapatid sa sugatan sa pamamaril sa Malabon
SUGATAN ang isang magkapatid matapos umanong pagtripan barilin ng tatlong lalaki, kabilang ang isang menor-de-edad na pinaniniwalaang mga lasing sa Malabon City, kamakalawa ng gabi. Ginagamot sa Valenzuela Medical Center sanhi ng tinamong mga sugat sa katawan si Joemarie Tuazon, 18, construction worker at kanyang kapatid na si Miguel Angelo, 16, kapwa ng […]
-
New ‘Snake Eyes’ Character Poster Revealed Ahead of Teaser Trailer
PARAMOUNT Pictures revealed a new Snake Eyes character poster ahead of teaser trailer, in order to get G.I. Joe fans hyped for the upcoming origin story feature film. Snake Eyes will star Henry Golding (Crazy Rich Asians) in the leading role and take a deep dive into his origin story. Various G.I. Joe comic books offer different explanations for the […]
-
Ads May 15, 2023