• December 5, 2023
  • Ang Diyaryong Pinagkakatiwalaan

Tserman sa Tondo, inireklamo sa illegal na aktibidades

NAKATAKDANG sampahan ng kaso ng Manila Special Mayors Reaction Team (SMaRT) ang isang Barangay Chairman sa Tondo dahil sa mga reklamong sangkot sa iligal na mga aktibidad.

 

Sinabi ni SMaRT chief P/Major Rosalino Ibay Jr., na nakatanggap sila ng reklamo sa kanilang tanggapan mula sa hindi nagpakilalang concern citizen hinggil sa mga iligal na ginagawa ng tserman na si Brgy.Chairman Edgar Solis ng Brgy. 116 Zone 9, Dist.1 Manila.

 

Sa reklamo, naniningil umano si Solis sa palengke na hindi naman pumapasok sa Manila City Hall.

 

Bukod dito, naniningil din ng barangay certificate sa mga establisimyento sa nasasakupang barangay ng walang resibo kundi acknowledgement receipt lamang.

 

Gayundin ang Day Care building na ginagamit umano ni Solis na tirahan ng kanyang pangalawang pamilya at higit sa lahat ang umanoy paggamit nito ng iligal na droga.

 

Dahil sa reklamo, isinailalim sa survellaince si Solis sa pangunguna ni SMaRT P/Major Cicero M. Pura at PCPT Edward G. Samonte kung saan nakitang naninirahan nga ang pamilya ng tserman sa nasabing gusali kung saan ang kinukonsumo nitong kuryente at tubig ay naka-charge sa barangay.

 

Napag-alaman din na iligal ding nangongolekta ng parking fee at Talipapa market fee nang walang resibo ang barangay dahilan para mawalan ng kita ang pamahalaang lungsod.

 

Ang mga nakokolekta namang iligal parking fee ay kanilang pinaghahatian ng mga barangay officials kabilang na ang parking attendant na si Rebecca Alano.

 

Habang ang kabuuang nako-kolekta na P 500- P600 sa mga vendors sa Talipapa Market sa kahabaan ng Magsaysay St., Tondo,Maynila ay ibinibigay naman sa mga Tanod para umano sa kanilang pangkape at snacks habang ang natitira rito ay ibinibigay na kay Alano.

 

May mga ilang video namang kumalat sa Facebook at Youtube na lahat nang motorsiko na pumaparada sa kanilang barangay ay pinapayagan kapalit ng parking fee na kinokolekta ni Solis.

 

Dahil sa mga ebidensyang nakalap, malinaw na si Solis at iba pang kasabwat nito ay lumabag sa Anti-Graft and Corrupt Practices Act, Code of Conduct and Ethical Standard for Public Official and Employees,Presidente Roa Duterte, Executive Order No.24 (Reorganizing the Cabinet Clusters System by Integrating Good Governance and Anti-Corruption in their Policy Frameworks of all the Clusters and Creating the Infrastracture Cluster and Participatory Governance Cluster) at iba pang posibleng paglabag sa Revised Penal Code of the Philippines. (Gene Adsuara)

Other News
  • Saso magaling, malakas na babalikwas sa 2021

    ISANG mas magaling at malakas na Yuka Saso ang babalik para sa 54th Ladies Professional Golf Association (LPGA) of Japan Tour 2021.   Ipinangako ito ng 19-anyos na bagitong top Philippine pro player kasunod nang pagmintis sa ibabaw ng Player of Year (Mercedes rankings) sa paglulunsad ng kanyang career sa mayamang region’s circuit na natapos nito […]

  • Pope Francis suportado ang pagpapabakuna laban sa COVID-19

    SUPORTADO ni Pope Francis ang national vaccination na isinasagawa ng bawat bansa laban sa COVID-19.     Itinuturing pa nito na ang pagpapabakuna ay isang moral obligation.     Kasabay din nito ay kinondina ng Santo Papa ang mga “baseless” ideological misinformation tungkol sa COVID-19 vaccines.     Sa kanyang talumpati sa “State of the […]

  • Phaseout ng traditional jeepney extended

    BINIGYAN ng Land Transportation Franchising and Regulatory Board (LTFRB) ng extension ang validity ng provisional authority o prangkisa ng mga traditional jeepneys habang pinag-iisipan ang mga gagawing pagbabago sa programa ng modernization ng pamahalaan.   Dahil dito, ang mga libo-libong traditional jeepneys ay maaari pa rin pumasada sa kanilang ruta. Dapat sana ay wala ng […]