VACCINATION CARD SA MAYNILA, HINDI MAPEPEKE

TINIYAK  ni Manila Mayor Isko Moreno Domagoso na hindi mapepeke ang iniisyu ng Manila LGU na vaccination card sa mga fully vaccinated na kontra COVID-19.

Ayon sa alkalde, ang Manila LGU ay may ginagawang paraan na upang hindi mapepeke ang vaccination card.

“Modesty aside, Manila has the most effective vax passport na hindi mapepeke because it’s inside a close loop system , instead of a physical card na pwede iprint kahit saan printer. We will stay in that course base on plan. But no worries if there will be challenges later will innovate.” ayon kay Domagoso.

Sa ngayon kasi ay hinihintay pa ang iisang sistema o format para sa vaccination certificate na ginagawa ng Department of Information Communications Technology o DICT.

Ayon kay Yorme, may unique QR code ang bawat vaccination card ng bawat babakunahan kaya hindi basta-basta ito napepeke o nagagaya.

Ang vax card ng Manila LGU ay hindi physical card  at makikita lamang online o sa manilacovid19vaccine.ph .

(GENE ADSUARA)