‘Wag ka na matakot! Casimero kay Donaire…
- Published on August 19, 2021
- by @peoplesbalita
Ayaw tantanan ni reigning World Boxing Organization (WBO) bantamweight champion John Riel Casimero si World Boxing Council (WBC) bantamweight king Nonito “The Filipino Flash” Donaire Jr.
Sinabi ni Casimero na natatakot lamang si Donaire sa kanya kaya’t ayaw nitong kumasa sa hamon para sa isang unification fight.
“Takot lang siya sa akin. Donaire huwag ka nang matakot, labanan mo na ako,” ani Casimero.
Nilinaw ni Casimero na hindi naman ang Pilipinas ang pinag-uusapan sa laban kundi ang mga belts na hawak nila pareho.
Kaya’t walang magiging problema kung maging all-Filipino fight man ang laban.
“Marami kasi nagsasabi na hindi maganda na parehong Pilipino ang maglalaban. Pero hindi naman Pilipinas pinag-uusapan dito kundi belt,” ani Casimero.
Wala pang sagot ang kampo ni Donaire sa hamon ni Casimero.
Nakatakda sanang maghaharap sina Casimero at Donaire sa isang unification bout.
Subalit hindi ito natuloy matapos mag-withdraw si Donaire sa laban.
Ilan sa mga naging dahilan ni Donaire ang umano’y pambabastos ng kampo ni Casimero sa kanyang asawa na si Rachel.
Naging dahilan din ang doping subalit nakakuha na si Casimero ng clearance mula sa Voluntary Anti-Doping Association (VADA).
Sariwa pa si Casimero sa split decision win kontra kay Cuban fighter Guillermo Rigondeaux noong Linggo sa Carson, California.
-
Cimatu urges youth to join efforts to prevent biodiversity loss
THE Department of Environment and Natural Resources (DENR) Secretary Roy A. Cimatu has called on the Filipino youth to take part in the concerted effort to protect the country’s rich biological resources against destruction and loss. Cimatu said the young people, who constitute a large part of the country’s population, could play an active […]
-
Ads November 17, 2022
-
CRUNCHYROLL ANNOUNCES GLOBAL THEATRICAL RELEASE DATES FOR “DRAGON BALL SUPER: SUPER HERO”
Culver City, CA (June 14, 2022) – Crunchyroll and Toei Animation unveiled additional details for the global theatrical release of Dragon Ball Super: SUPER HERO, the newest film in the worldwide anime blockbuster franchise, including a new trailer, and new English voice cast. [Watch the new English-subtitled trailer at https://youtu.be/aJJ1k3kFU8U] The […]