“Walang Gutom 2027” ng DSWD, 1M mahihirap na pamilya ang makikinabang-DSWD
- Published on May 26, 2023
- by @peoplesbalita
TINATAYANG 1 milyong benepisaryo ang inaasahan na makikinabang mula sa “Walang Gutom 2027” program ng Department of Social Welfare and Development (DSWD).
Layon ng inisyatibang ito ang paghusayin ang access ng food-poor families sa masustansyang pagkain.
Sinabi ni Social Welfare Secretary Rex Gatchalian na ang bagong food stamp program ng departamento ay naglalayong tulungan ang 1 milyong sambahayan na nabibilang sa lowest income bracket o iyong mga “do not make beyond PHP8,000” na buwanang sahod.
Sinabi ni Gatchalian na hangad ng programa na magbigay ng electronic benefit transfers na kakargahan ng food credits na nagkakahalaga ng P3,000 para magawa ng mga targeted beneficiaries na makabili sa piling listahan ng food commodities mula sa DSWD-accredited local retailers.
“The ‘Walang Gutom 2027′ intends to target the bottom 1 million households from Listahanan 3 who belong to the food poor criteria as defined by the Philippine Statistics Authority,” ani Gatchalian.
“We believe that this program will properly address the gaps and assist its beneficiaries in attaining the recommended food and energy consumption needed for each member to perform their daily tasks and routines that has direct and indirect contribution to human capitalization and a direct positive impact towards nation-building,” dagdag na wika nito.
Gayunman, nilinaw ni Gatchalian na ang food stamp program ay nananatili pa rin sa “design stage” hanggang Hunyo.
Samantala, kasalukuyan nang nakikipagtulungan ang DSWD sa United Nations’ World Food Program para hingan ng tulong ang kanilang “vast technical expertise” pagdating sa pagpapatakbo ng food stamp programs sa buong mundo.
“As we speak right now, mayroon na tayong first draft ng design and we will spend the remaining months of May and June in the design stage,” ani Gatchalian sabay sabing tumanggap naman ang DSWD ng “multiple consultants” “to take a second look at what is being designed.” (Daris Jose)
-
Awards night, Nov. 26 na sa Aliw Theater: POPS, magbibigay ningning sa ‘6th The Eddys’ kasama sina ERIK at DARREN
TATLONG sikat at premyadong celebrities mula sa iba’t ibang henerasyon ang magbibigay-kulay at ningning sa magaganap na 6th The EDDYS o Entertainment Editors’ Choice ng Society of Philippine Entertainment Editors (SPEEd) sa darating na November 26, Linggo, sa Aliw Theater, CCP Complex, Pasay City. Kaabang-abang ang mga inihandang production numbers ng original Concert […]
-
No. 1 most wanted ng Malabon, nalambat sa Bulacan
NAGWAKAS na ang pagtatago ng isang tinaguriang No. 1 Most Wanted Person ng Malabon City matapos matunton ng pulisya kanyang lungga sa Marilao, Bulacan. Pinuri ni National Capital Region Police Office, Chief, P/ MGen. Debold Sinas ang mga operatiba ng Warrant and Sub- poena Section at Intelligence Section ng Malabon Police Station sa ilalim […]
-
Pagbakuna sa 60-M Pinoy, aabutin ng hanggang 5 taon – Galvez
Inamin ng gobyerno na aabutin ng tatlo hanggang limang taon bago matapos ng pamahalaan ang pagbabakuna laban sa COVID-19 sa target na 60 milyong Pilipino. Sinabi ni National Task Force against COVID-19 chief implementer at vaccine czar Sec. Carlito Galvez Jr., nasa 20 million hanggang 30 million katao lamang ang kayang mabakunahan kada taon. […]