WANTED SA MURDER CALOOCAN, TIKLO NG NPD SA MALABON
- Published on October 14, 2021
- by @peoplesbalita
NASAKOTE ng mga tauhan ng Northern Police District (NPD) sa Malabon City ang isang lalaking wanted dahil sa kasong murder sa Caloocan City.
Kinilala ni District Special Operation Unit (DSOU-NPD) chief PLTCOL Jay Dimaandal ang naarestong akusado na si Randy Deparoco, 44 ng Camia St., Brgy. Panghulo, Malabon City.
Sa report ni PLTCOL Dimaandal kay NPD Director PBGEN Jose Hidalgo Jr, nakatanggap sila ng impormayson na nakita ang akusado sa Panghulo, Malabon City.
Bumuo ng team ang DSOU , kasama ang Intelligence Section ng Caloocan police saka isinagawa ang police operation na nagresulta sa pagkakaaresto kay Deparoco dakong alas-4:30 ng hapon sa Camia St., Brgy. Panghulo, Malabon City.
Ayon kay PLTCOL Dimaandal, si Deparoco na tinaguriang No. 12 most wanted person ng Caloocan police ay inaresto sa bisa ng warrant of arrest na inisyu noong October 9, 2009 ni Hon. Judge Dionisio Sison ng RTC Branch 125 Caloocan City para sa kasong Murder na walang inirekomendang piyansa.
Batay sa record, pinagtulungan pagsasaksakin ng akusado at ni Rodrigo Deparoco si Armadno Delos Santos Jr, na nagresulta ng kamatayan nito noong May 9, 2008 sa Caloocan City.
Ang matagumpay na pagkakaaresto sa akusado ay sa pamamagitan ng patnubay at matibay na pamumuno ni NPD Director PBGEN Hidalgo Jr, upang maalis ang lahat ng uri ng lawlessness at paigtingin ang manhunt kontra sa Most Wanted Person sa area ng NPD.
Patuloy naman ang follow-up operation ng pulisya para sa posibleng pagkakaaresto sa isa pang akusado sa naturang kaso na si Rodrigo. (Richard Mesa)
-
Obvious na may relasyon sa totoong buhay: VINCE at CHESKA, inaming na-starstruck kina DENNIS at BEA
FEELING blessed ang Sparkle artists na sina Vince Maristela at Cheska Fausto dahil kasama sila sa cast ng ‘Love Before Sunrise’ ng GMA at Viu Philippines. Sa naganap na yellow carpet event ng naturang teleserye sa SM Megamall Cinema 2, inamin ng dalawang SPARKADA members na sobra silang na-starstruck sa mga bida na […]
-
Suportado ng mga artista tulad nina Eric at Gladys: VILMA, parami nang parami ang nag-eendorso na maging ’National Artist’
KAHIT may mga nagsusulong sa ama niyang namayapang si Dolphy ay suportado ni Eric Quizon ang nominasyon ng Star for All Seasons bilang National Artist. Kung si Ate Vi raw ang gagawaran ng National Artist ay karapat dapat daw ang multi awarded actress. “Ate Vi yan. Alam naman nating […]
-
Sotto malupit sa arcade game
TALAGANG buhay niya o nasa dugo niya ang basketball. Saan man makarating, basketbol pa rin ang hanap ng katawan ni National Basketball Association (NBA) prospect Kai Zahary Sotto. Bukod sa pagiging astig sa hardcourt, naghasik din ng shooting skills ang Pinoy phenom sa basketball arcade game. Ibinahagi ng 18-anyos sa kanyang latest Instagram story na […]