• April 27, 2025
  • Search in People's Balita

  • Ang Diyaryong Pinagkakatiwalaan

 

Worry na ‘di maibigay ang 100% tulad kina Zia at Sixto: MARIAN, inamin na gusto ni DINGDONG ng isa pang anak 

INAMIN ng Kapuso Primetime Queen na si Marian Rivera na pagdating sa pagkakaroon ng baby number 3, ang mister niyang si Kapuso Primetime King Dingdong Dantes ay gusto pa raw talaga nito.
“Gusto niya eh,” natatawang sabi niya sa interview sa kanya ni Karen Davila.
“Gusto pa niya eh, sabi niya, Please one more, one more. So, nando’n ako sa 50-50 ko ngayon dahil gusto ko na marami talagang anak.”
Ever since naman, dahil solong anak ng mga magulang, sinasabi na ni Marian na gusto niya ng maraming anak. Pero ang worry niya lang daw, baka hindi na niya maibigay ang 100% niya gaya sa mga anak na sina Zia at Sixto.
“Sabi ko nga kay Dong, gusto ko ng maraming anak but iniisip ko kaya ko bang ibigay ‘yung 100 percent ko sa inyong lahat? Kasi dalawa ‘yung anak ko, si Dong, ako. Ngayon, kung mag-be-baby pa uli ako, kaya ko bang hatiin ‘yung katawan ko na lahat kayo ay magagampanan ko nang 100 percent?”
Wala raw sa plano nila ang third baby, kahit humihirit pa si Dingdong, naiintindihan naman daw nito kung ano lang ang kaya niya.
“Sabi ni Dong, kung ano ‘yung nasa puso mo, hindi kita pipilitin but if you will ask me, I want one more. Kala mo naman ang dali magbuntis,” sey niya.
Napakagandang lahi ng dalawa kaya kung magkaka-baby number 3, ang bongga. Pero yun lang, this year ay may naka-plan na bagong serye na gagawin si Marian kaya paano nga ba?
***

VERY proud si Attorney Annette Gozon-Abrogar sa bagong GMA original series with VIU, ang suspense drama na “Slay” at pinagbibidahan ng apat na Kapuso Young actresses na sina Gabbi Garcia, Mikee Quintos, Ysabel Ortega at Julie Anne San Jose.

Kasama rin si Derrick Monasterio na hindi na rin naman secret, pero ang iikot sa kanya ang kuwento dahil sa mystery kung sino ang posibleng pumatay sa kanya sa apat.
Proud si Ms. Annette sa bagong original series na ito ng network na ayon din dito, merong dalawang ending. Kaya kahit na mapanood na ito sa VIU, sa GMA ay ibang ending daw ang ipapakita nila.
Bukod sa apat na Kapuso girls, special mention ni Ms. Annette si Derrick na isa raw rebelasyon.
Naaliw naman kami kay Derrick nang hingan ng reaksyon sa papuri sa kanya ni Ms. Annette.
Ayon kay Derrick, “Well, dati, nung tinatawag akong hindi ako marunong umarte, ganun, parang di pa rin talaga nagsi-sink in. ‘Di pa rin talaga maayos. Parang sabi ko, ‘Ganun lang.’
Parang hindi ko siya sinasapuso.
“Ang sarap sa feeling nun kasi, 15 years dito sa business, first time kong makarinig ng ganun na talaga sa acting.
“Kasi dati sa singing, sa rampa-rampa, sa acting, sarap sa feeling.”
Binigyan din ng credits ni Derrick ang girlfriend na si Elle Villanueva sa mga positibo raw na nangyayari sa buhay niya. Talagang naiga-guide raw siya nito sa tamang values.
Napapanood na ang “Slay” sa GMA.
(ROSE GARCIA)
Other News

  • Mga botante, hinikayat na na i-report ang mga kaso ng electoral fraud

    UMAPELA si Department of the Interior and Local Government (DILG) Secretary Eduardo Año sa mga botante na ireport sa tamang awtoridad ang anumang vote buying o vote selling activities sa kanilang komunidad.     “Kung may nakita tayo na kakaiba, ireport kaagad natin. Wag kayong mangimi sa pagrereport ng election irregularity at para maaksyunan natin […]

    read more

  • July 8, 2024 Araw ng pagtatapos

    PERSONAL na dumalo si Mayor John Rey Tiangco sa araw ng pagtatapos ng mahigit 347 skilled workers sa Navotas Vocational Training and Assessment (NAVOTAAS) Institute, bilang ng pagdiriwang ng ika-17 anibersaryo ng pagiging lungsod ng Navotas. Sa kanyang mensahe, binati at ibinahagi ni Mayor Tiangco sa mga nagsipagtapos ang mga sikreto ng tagumpay. (Richard Mesa)

    read more

  • Natuwa nang malamang nagkabati na sila ni Lotlot: CHRISTOPHER, pinag-iingat si NORA matapos ma-ICU dahil sa pulmonary disease

    MASAYA si Kapuso actress Kylie Padilla na laging nagti-trending at nakakakuha ng mataas na rating gabi-gabi ang sports serye niyang Bolera after First Lady sa GMA Primetime, with Rayver Cruz and Jak Roberto.     Pero hindi lamang ang successful serye ang nagpapasaya kay Kylie. Nakakatuwa ang pagsi-share niya ng Instagram Stories post niya na […]

    read more
People's Balita.
All rights reserved. © Copyright 2025.