• March 23, 2023
  • Ang Diyaryong Pinagkakatiwalaan

Yorme Isko, binuksan ang parke sa Baseco Baywalk

BINUKSAN na sa publiko ng Pamahalaang Lungsod Ng Maynila ang isang pasyalan na matatagpuan sa Baseco compound na tinawag na “Linear Park”na matatagpuan sa kahabaan ng Baseco Baywall.

 

Ayon kay Manila Mayor Isko Moreno Domagoso, ang pagbu- bukas ng nasabing parke gayundin ang paglalagay ng mga pailaw at pagpapaganda ng kanilang lalakaran sa Baseco Baywalk gamit ang mga “bricks” ay simpleng alay lamang ng lokal na pamahalaan para sa mga residente ng Baseco.

 

“Ipapakita natin na may gobyerno, na may pamamahala, at ang pamamahala ay may pagmamalasakit pero may kaakibat na disiplina sa atin. Kapag tayo ay nililingon na ng pamahalaan, ang pakikipagtulungan natin sa pamahalaan ay pakikiisa sa pagsasaayos,” ani Domagoso.

 

Sa kabila ng bansag sa lugar ng Baseco na “lunggaan ng mga halang ang kaluluwa”, dapat aniyang patunayan ng mga residente sa nasabing lugar na iba na ang “mukha” ng kanilang lugar dahil sila ay may disiplina, dignidad, at may pangarap din sa buhay.

 

“Huwag niyong dumihan ang inyong paligid kasi yan reflection ng pagkatao natin. Ayokong tayo ay mamaliitin dahil tayo ay mahirap. Gusto ko may dignidad sa pagiging mahirap dahil tayo ay tao rin,” ayon pa kay Domagoso. Bukod dito ay nanawagan din ang Alkalde sa mga residente na huwag tapunan ng basura at dumi ng tao ang katubigan kung saan hiniling nito na panatilihing malinis at maayos ang kanilang pamayanan.

 

Kasama ni Domagoso sa isinagawang simpleng seremonya sina Vice Mayor Maria Sheilah ‘Honey’ Lacuna-Pangan, City Engineer Armand Andres, City Electrician Randy Sandac, at iba pang opisyal ng lokal na pamahalaan. (Gene Adusara)

Other News
  • Hidilyn, Caloy, Alex, at EJ, mga kandidato para sa PSA Athlete of the Year award

    SA dami ng mga premyadong atleta na nagbigay ng karangalan sa bansa sa taong 2022 ay walang itulak kabigin ang Philippine Sportswriters Association (PSA) kung sino sa mga nasa listahan ang dapat na tanghaling Athlete of the Year.   Ang Olympic gold medalist na si Hidilyn Diaz-Naranjo, ang world-ranked pole vaulter na si EJ Obiena, […]

  • LALAKI, NAIPIT NG SASAKYAN HABANG NAGKAKABIT NG GPS

    NASAWI ang isang 32-anyos na lalaki nang naipit ng isang tractor head nang paandarin ng driver nito  habang nagkakabit  ng GPS sa likuran ng kasunurang tractor head sa Port Arae, Manila Huwebes ng umaga.     Naisugod pa sa Philippine General Hospital ang biktimang si Jay Mark Kee ng 118 Unit 8 Gen Tinio St. […]

  • Petron patuloy sa pagbibigay ng fuel subsidy sa mga libreng sasakyan ng health workers

    Ipagpapatuloy ng Petron Corporation ang pagbibigay ng fuel subsidy hanggang June 15 sa mga sasakyan na nasa pangangasiwa ng Department of Transportation (DOTr) na ginagamit ng mga health workers sa panahon ng corona virus disease 2019 (Covid-2019).   Ito ay matapos ang pagkakaroon ng Enhanced Community Quarantine (ECQ) na ngayon ay General Community Quarantine (GCQ) […]