Zero casualty target sa COVID-19 vaccine
- Published on January 19, 2021
- by @peoplesbalita
Target ng gobyerno ang zero casualty sa oras na mag-umpisa ang pagbabakuna kontra COVID-19.
Tiniyak din ni vaccine czar Carlito Galvez Jr. na mas mag-iingat ang Pilipinas sa pagpili ng bakuna na gagamitin para sa mga senior citizens matapos na 23 matatanda sa Norway ang nasawi nang mabakunahan ng Pfizer dahil sa adverse reactions.
“Ang ating goal is zero casualty and as much as possible, very close watch,” ayon kay Galvez.
Kabilang umano sa tungkulin ng mga vaccine experts ng task group ay suriin ang mga bakuna na ginagamit ng iba’t ibang bansa kabilang ang history nito upang mas makapili ng pinakamabuting bakuna.
“Ang task group na ginawa namin dito ay isang task group ng mga vaccine expert para talagang alalayan. Susuriin talaga natin ‘yung mga history, titignan natin,” dagdag ng kalihim.
Sa ulat ng Norwegian Medicines agency, iniuugnay ang pagkasawi ng 23 senior citizen sa bakunang ibinigay sa kanila. Maaaring may masamang epekto sa katawan ng mga nasawi ang bakuna dahil sa mahinang pangangatawan ng mga senior citizen.
Pahayag ng Pfizer, hindi kasali sa dapat na mabakunahan ang mga may edad 85 pataas at may mga malulubhang karamdaman.
Hindi malaman kung sinunod ng pamahalaang Norway ang patakarang ito.
Matapos na malaman ito, sinabi ni Galvez na agad siyang nakipag-ugnayan kay Department of Health (DOH) Secretary Francisco Duque III at nagkasundo sila na sa mga may edad mula 18-anyos hanggang 59 lang muna ang isasailalim sa ‘vaccination program’ habang maghahanap pa ng angkop na bakuna para sa mas matatanda.
Ito ay dahil base sa inisyal na report ng Norway, delikado ang pagbabakuna sa 80-anyos pataas kaya susuriing mabuti ng task force ang kukuning bakuna kung talagang may kumplikasyon ito.
Target ng gobyerno na mabakunahan ang 50-70 indibidwal ngayong taon kung saan inaasahang 50,000 Filipino ang mababakunahan sa Pebrero.
Una nang sinabi ni Galvez na ang Pfizer ang posibleng maunang gamitin sa pagbabakuna sa bansa kontra COVID-19 dahil ang COVIX facility ay maagang ilalabas ang nasabing bakuna.
Nagbigay na rin ang Food and Drug Administration (FDA) ng emergency use authorization (EUA) para sa Pfizer-BionTech. (Daris Jose)
-
Nakaka-touch ang pinost sa FB at IG: LOTLOT, labis-labis ang pasasalamat sa espesyal na award mula sa ‘The 5th EDDYS’
DAHIL hindi siya nakadalo sa mismong awards night ng The 5th EDDYS ay sinigurado ni Lotlot de Leon na makapunta sa Christmas Party ng SPEEd (Society of Entertainment Editors) nitong December 1 sa Dapo Restaurant sa Quezon City. Deadma sa ulan that night ay umapir si Lotlot sa napakasayang party ng SPEEd kung saan […]
-
Dahil sa init at pertussis, blended learning ibalik
KASUNOD ng pagbabalik-eskwela matapos ang Mahal na Araw, hinimok ni Senador Win Gatchalian ang mga punong-guro na magpatupad muna ng blended learning sa gitna ng pangamba ng mga magulang sa banta ng pertussis o whooping cough at mainit na panahon. “Nais nating paalalahanan ang mga punong-guro na kung may banta sa kaligtasan ng […]
-
“‘SINNERS’ HAS SO MANY LAYERS TO IT,” SAYS MICHAEL B. JORDAN OF HIS NEW FILM WITH RYAN COOGLER, 99% FRESH ON ROTTEN TOMATOES
DIRECTOR Ryan Coogler’s earliest memories of movies were “while sitting in a darkened room, full of strangers, and being absolutely terrified by something that was happening on the screen,” shares the critically acclaimed writer-director of films including “Creed” and “Black Panther.”“That feeling of being with others, the unison, the horror and delight made me feel […]