117K doses ng Pfizer vaccines, hindi pa tiyak ayon sa DOH
- Published on February 11, 2021
- by @peoplesbalita
Nilinaw ng Department of Health (DOH) na “indicative” o hindi pa tiyak ang pagdating ng unang batch ng COVID-19 vaccines sa Pilipinas sa susunod na linggo.
Pahayag ito ng ahensya sa gitna ng mga ulat na baka sa February 15 o sa susunod na lunes na dumating ang 117,000 doses ng Pfizer-BioNTech vaccines na mula sa COVAX Facility.
“The dates that were provided to us were indicative dates,” ani Health Usec. Maria Rosario Vergeire sa isang media forum.
Paliwanag ng opisyal, bagamat sinabi ng mga opisyal ng COVAX na sa ikalawa o ikatlong linggo ng Pebrero dadating ang mga bakuna, wala naman silang ibinigay na eksaktong petsa ng arrival ng libreng vaccine supply.
“This February 15 is an indicative date, ito yung binigay ng vaccine cluster.”
“Kapag sinabing indicative ‘yan ay tentative schedule pa lang. Wala pa tayong confirmed dates as to when we’ll start.”
Tiniyak naman ni Vergeire na agad ipapamahagi ang mga bakuna sa priority sector kapag dumating na ang shipment nito sa bansa.
“Pagdating ng bakuna, after two to three days we’ll start the deployment already.”
Bukod sa Pfizer-BioNTech vaccine, inaasahan din ang pagdating ng 5 hanggang 9-million doses bakuna ng AstraZeneca na manggagaling din sa COVAX Facility.
Ang COVAX ay isang inisyatibo ng World Health Organization at iba’t-ibang institusyon. Layunin nito ang patas na distribusyon ng libreng bakuna sa mga mahihirap na bansa. (Daris Jose)
-
DOLE: Libreng bike sa ‘economic frontliners’ na magpapabakuna
Magbibigay ang Department of Labor and Employment (DOLE) ng libreng bisikleta sa mga ‘economic frontliners’ o kabilang sa A4 category na makakakumpleto ng dalawang dose ng bakuna kontra COVID-19 umpisa sa buwan ng Hulyo. Inisyal na maglalabas ng 2,000 bisikleta ang DOLE-Bureau of Workers with Special Concerns (BWSC) sa ilalim ng programang “BakSikleta”. […]
-
Organizer ng Beijing Winter Olympics hindi na magbebenta ng tickets
TULUYAN ng kinansela ng China ang plano nito na magbenta ng tickets sa publiko para sa Winter Olympics. Ito ay dahil sa patuloy ang pagtaas ng kaso ng COVID-19 kung saan natiala ang mataas na bilang sa Biejing. Ayon sa Beijing organizing committee na inalala nila ang kalusugan at kaligtasan ng […]
-
Fernando, nanguna sa paglaban kontra vote buying sa Bulacan
LUNGSOD NG MALOLOS – Pinangunahan ni Gobernador Daniel R. Fernando ang paglulunsad ng multi-sectoral anti-vote buying campaign sa Lalawigan ng Bulacan ngayong araw upang makatulong sa pagsugpo ng pamimili ng boto at masiguro ang maayos, mapayapa, patas at inklusibong halalan sa darating na nasyunal at lokal na botohan sa Mayo 9, 2022. Tinawag […]