12 candidates ni PBBM sa midterm election
- Published on September 27, 2024
- by @peoplesbalita
2025 Senatorial Slate ng administrasyon inanunsyo na
INANUNSYO ni Pangulong Ferdinand R. Marcos Jr., araw ng Huwebes ang 12 prospektibong senatorial candidates ng administrasyon para sa 2025 midterm elections.
Isiniwalat ang 2025 senatorial slate sa idinaos na Alyansa Para sa Bagong Pilipinas Convention 2024 sa Philippine International Convention Center sa Pasay City.
Ang lineup ay kinabibilangan ng mga kandidato mula sa iba’t ibang political party kabilang na ang Partido Federal ng Pilipinas (PFP), Lakas-Christian Muslim Democrats (Lakas-CMD), Nationalist People’s Coalition (NPC) at Nacionalista Party (NP).
Kabilang dito ang kapatid ng Pangulo na si reelectionist Senator Imee Marcos mula NP, kasama ang kanyang mga party mates na sina Senator Pia Cayetano at Deputy Speaker at Las Piñas City Rep. Camille Villar.
Inanunsyo rin ni Pangulong Marcos ang kanyang suporta para kay dating senador Manny Pacquiao, Local Government Secretary Benjamin Abalos Jr. at Senate Majority Leader Francis Tolentino pawang mga miyembro ng PFP.
Inendorso rin niya sina Senador Ramon “Bong” Revilla Jr. at ACT-CIS Party-list Rep. Erwin Tulfo ng Lakas-CMD.
Kasama rin sa senatorial ticket ng administrasyong Marcos sina Senador Manuel “Lito” Lapid, dating Senate President Vicente Sotto III, at dating Senador Panfilo Lacson at Makati City Mayor Abby Binay ng NPC.
Sinabi naman ni Navotas City Rep. Toby Tiangco, magsisilbi bilang Senate slate’s campaign manager, na ang pangunahing konsiderasyon sa pagpili ng mga ‘administration’s bets’ ay ang kanilang suporta para sa legislative agenda nito na naglalayong paunlarin ang buhay ng mga Filipino.
“So,ang mahalaga dito ay talagang susuporta at naniniwala sila na ang plataporma ng Bagong Pilipinas, iyan ang magpapaunlad sa buhay ng bawat Pilipino,” ang sinabi ng Pangulo.
Samantala, “very confident” naman si House Speaker Martin Romualdez, sa ukol sa winnability ng senatorial bets ng kasalukuyang administrasyon.
Ang election period ay magsisimula sa paghahain ng certificates of candidacy sa Oktubre 1 hanggang 8.
Sinabi naman ni Presidential Communications Office Acting Secretary Cesar Chavez na inaasahan na magdaraos si Pangulong Marcos ng assembly kasama ang kanyang mga napiling senatorial candidates, isang beses sa isang linggo. (Daris Jose)
-
John Amores ng JRU ay nahaharap sa indefinite suspension pagkatapos ng NCAA rampage
Si John Amores ng Jose Rizal University (JRU) ay sinampal ng indefinite suspension ng NCAA. Ibinaba ng NCAA Management Committee ang mabigat na parusa noong Miyerkules matapos ang maingat na pag-uusap ng mga opisyal ng liga. Sinalakay ni Amores ang bench ng College St. Benilde sa huling quarter ng kanilang laro noong Martes […]
-
Double face mask mas mabisang pang-iwas vs COVID-19
Inirekomenda ng Center for Disease Control and Prevention (CDC) ng Estados Unidos ang pagsusuot ng dobleng face mask para mas mabisang makaiwas sa pagkahawa sa coronavirus 2019. Sa bagong resulta ng pag-aaral ng CDC, mas mabisang pag-iwas sa virus kung ipapatong ang cloth mask sa disposable medical mask. Kapag isang disposable […]
-
Overwhelmed sa mga papuring natatanggap: JAKE, sobrang tapang kaya ‘di matatawaran ang pagiging aktor
HINDI talaga matatawaran ang pagiging isang ‘actor’ ng isang Jake Cuenca. Talagang siya ‘yung tipo ng artista na napaka-seryoso sa kanyang propesyon. Never na nagpa-petiks-petiks. Bukod dito, siya rin ang actor sa mga kasabayan na lang niya na napakatapang. Kung tinatanggihan ng iba, si Jake, niyayakap niya ang mga roles na […]